ಪಾಕ್​ ಪರ ಘೋಷಣೆ ಕೂಗಿದ ಪ್ರಕರಣ: ಕಬ್ಬನ್​ ಪಾರ್ಕ್​ ಪೊಲೀಸರಿಂದ ವಿಚಾರಣೆ ಆರಂಭ

ಪಾಕಿಸ್ತಾನ ಪರ ಘೋಷಣೆ ಕೂಗಿದ ಆರೋಪಿಗಳ ವಿಚಾರಣೆಯನ್ನು ವಿಧಾನಸೌಧ ಠಾಣಾ ಇನ್ಸ್‌ಪೆಕ್ಟರ್ ಹಾಗೂ ಕಬ್ಬನ್​ ಪಾರ್ಕ್ ಉಪ ವಿಭಾಗದ ಎಸಿಪಿ ನಡೆಸುತ್ತಿದ್ದಾರೆ.

ಬೆಂಗಳೂರು: ಪಾಕಿಸ್ತಾನ ಪರ ಘೋಷಣೆ ಕೂಗಿದ ಪ್ರಕರಣದ ಆರೋಪಿಗಳಾದ ಮಹಮ್ಮದ್ ಶಫಿ ನಾಶಿಪುಡಿ, ಇಲ್ತಾಜ್ ಮತ್ತು ಮುನಾವರ್ ಎಂಬವರನ್ನು ಪೊಲೀಸರು ತನಿಖೆಗೊಳಪಡಿಸಿದ್ದಾರೆ. ವಿಧಾನಸೌಧ ಠಾಣಾ ಇನ್ಸ್‌ಪೆಕ್ಟರ್​ ಕುಮಾರಸ್ವಾಮಿ ಹಾಗೂ ಕಬ್ಬನ್​ ಪಾರ್ಕ್ ಉಪ ವಿಭಾಗದ ಎಸಿಪಿ ಬಾಲಕೃಷ್ಣ ಅವರಿಂದ ಆರೋಪಿಗಳ ವಿಚಾರಣೆ ನಡೆಯುತ್ತಿದೆ.

ಆರೋಪಿಗಳ ಹಿಂದೆ ಯಾರಿದ್ದಾರೆ?, ಪಾಕ್​ ಪರ ಘೋಷಣೆ ಕೂಗುವುದರ ಹಿಂದಿನ ಉದ್ದೇಶವೇನು?, ಆರೋಪಿತರು ಯಾವುದಾದರೂ ನಿಷೇಧಿತ ಸಂಘಟನೆಯ ಸದಸ್ಯರೇ ಎಂಬುದರ ಕುರಿತು ಮಾಹಿತಿ ಸಂಗ್ರಹಿಸಲಾಗುತ್ತಿದೆ.

ಪ್ರಾಥಮಿಕ‌ ವಿಚಾರಣೆಯಲ್ಲಿ "ನಾನು ಆ ರೀತಿ ಘೋಷಣೆ ಕೂಗಿಲ್ಲ" ಎಂದು ಆರೋಪಿ ಮೊಹಮ್ಮದ್ ಶಫಿ ನಾಶಿಪುಡಿ ಹೇಳಿದ್ದಾನೆ. ಉಳಿದಿಬ್ಬರು ಯಾವುದೇ ಉತ್ತರ ನೀಡಿಲ್ಲ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ:ಪಾಕ್ ಪರ ಘೋಷಣೆಗೆ ಪ್ರಚೋದನೆ ಸಿಕ್ಕ ಬಗ್ಗೆ ತನಿಖೆಯಾಗಬೇಕು: ಸಿ.ಟಿ.ರವಿ