ಕಾಡಾನೆ ಸೆರೆಗೆ ಬಳಸುವ ವಿಶೇಷ ಹಗ್ಗ ತಯಾರಿಸುವುದು ಹೇಗೆ? (ETV Bharat)
ಮೈಸೂರು: ಸಾಕಾನೆ ನೆರವಿನಿಂದ ಪುಂಡ ಕಾಡಾನೆಗಳನ್ನು ಸೆರೆ ಹಿಡಿದ ಸಂದರ್ಭದಲ್ಲಿ ಅವುಗಳನ್ನು ಕರೆತರಲು ಉಪಯೋಗಿಸುವ ವಿಶೇಷ ಹಗ್ಗ ತಯಾರಿಸುವುದೇ ವಿಶೇಷ. ಈ ರೀತಿಯ ವಿಶೇಷ ಸೆಣಬಿನ ಹಗ್ಗವನ್ನು ಹೇಗೆ ತಯಾರಿಸುತ್ತಾರೆ ಎಂಬ ವರದಿ ಇಲ್ಲಿದೆ.
ಕರ್ನಾಟಕದ ಗಜಪಡೆ ರಾಜ್ಯ ಹಾಗೂ ಹೊರ ರಾಜ್ಯಗಳಲ್ಲೂ ಪುಂಡಾಟ ಮಾಡುವ ಕಾಡಾನೆ ಕಾರ್ಯಾಚರಣೆಯಲ್ಲಿ ಭಾಗವಹಿಸುತ್ತವೆ. ಇಂತಹ ಪುಂಡಾನೆಗಳನ್ನು ಸಾಕಾನೆಗಳು ಸೆರೆಹಿಡಿದಾಗ ಅವುಗಳನ್ನು ಎಳೆದುಕೊಂಡು ಬರಲು ವಿಶೇಷವಾಗಿ ಸಣಬಿನ ಹಗ್ಗವನ್ನು ಬಳಸಲಾಗುತ್ತದೆ. ಮೈಸೂರು ದಸರಾ ಜಂಬೂ ಸವಾರಿ ಮೆರವಣಿಗೆಯಲ್ಲಿ ಭಾಗವಹಿಸಲು ಆಗಮಿಸಿರುವ 14 ಆನೆಗಳೊಂದಿಗೆ ಆಗಮಿಸಿರುವ ಮಾವುತರು, ಕಾವಾಡಿಗಳು ಹಾಗೂ ಅರಣ್ಯ ಸಿಬ್ಬಂದಿ ಗಜಪಡೆ ತಾಲೀಮಿನ ನಂತರ ವಿರಾಮದ ಸಂದರ್ಭದಲ್ಲಿ ಕೋಡಿ ಸೋಮೇಶ್ವರ ದೇವಾಲಯದ ಆವರಣದಲ್ಲಿ ಕಾಡಾನೆ ಸೆರೆಗೆ ಬಳಸುವ ದೊಡ್ಡ ಸೆಣಬಿನ ಹಗ್ಗವನ್ನು ತಯಾರಿಸುತ್ತಿದ್ದಾರೆ.