Published : Feb 28, 2024, 6:21 PM IST
|Updated : Feb 28, 2024, 7:24 PM IST
ಬೆಂಗಳೂರು:ಅಗತ್ಯ ವಸ್ತುಗಳ ಬೆಲೆ ಏರಿಕೆ ನಡುವೆಯೇ ವಿದ್ಯುತ್ ದರ ಇಳಿಕೆ ಮಾಡಿ ಕರ್ನಾಟಕ ವಿದ್ಯುಚ್ಛಕ್ತಿ ನಿಯಂತ್ರಣ ಆಯೋಗ ರಾಜ್ಯದ ಗ್ರಾಹಕರಿಗೆ ಶುಭ ಸುದ್ದಿ ನೀಡಿದೆ. ಕೆಇಆರ್ಸಿ ಪ್ರಸಕ್ತ ಸಾಲಿನ (2024-2025) ವಿದ್ಯುತ್ ದರ ಪರಿಷ್ಕರಣೆ ಮಾಡಿದ್ದು ಗೃಹ ಬಳಕೆ, ವಾಣಿಜ್ಯ, ಕೈಗಾರಿಕೆಗಳು ಉಪಯೋಗಿಸುವ ವಿದ್ಯುತ್ ದರದಲ್ಲಿ ಗಣನೀಯ ಇಳಿಕೆ ಮಾಡಿ ಆದೇಶ ಹೊರಡಿಸಿದೆ.
100 ಯುನಿಟ್‌ಗಿಂತ ಹೆಚ್ಚು ವಿದ್ಯುತ್ ಬಳಸುವ ಗ್ರಾಹಕರಿಗೆ ಮಾತ್ರ ವಿದ್ಯುತ್ ದರ ಇಳಿಕೆಯ ಪ್ರಯೋಜನ ದೊರೆಯಲಿದೆ. ಗೃಹ ಬಳಕೆಯ 100 ಯೂನಿಟ್‌ಗಿಂತ ಹೆಚ್ಚು ಕರೆಂಟ್ ಬಳಸುವ ಗ್ರಾಹಕರಿಗೆ ಪ್ರತಿ ಯುನಿಟ್ಗೆ 1 ರೂಪಾಯಿ 10 ಪೈಸೆ ದರ ಕಡಿಮೆ ಮಾಡಲಾಗಿದೆ.
ಹೆಚ್ಟಿ ವಾಣಿಜ್ಯ ಬಳಕೆಯ ವಿದ್ಯುತ್ ಗ್ರಾಹಕರಿಗೆ ಇಂಧನ ಬಳಕೆ ಶುಲ್ಕದಲ್ಲಿ ಪ್ರತಿ ಯುನಿಟ್ಗೆ 1 ರೂಪಾಯಿ 25 ಪೈಸೆ, ಡಿಮ್ಯಾಂಡ್ ಶುಲ್ಕದಲ್ಲಿ ಪ್ರತಿ ಕೆವಿಎಗೆ 10 ರೂಪಾಯಿಯಷ್ಟು ದರ ಇಳಿಸಲಾಗಿದೆ. ಹಾಗೆಯೇ ಹೆಚ್ಟಿ ಆಸ್ಪತ್ರೆ, ಶಿಕ್ಷಣ ಸಂಸ್ಥೆಗಳಿಗೆ ಪ್ರತಿ ಯುನಿಟ್ಗೆ ಇಂಧನ ಬಳಕೆ ಶುಲ್ಕದಲ್ಲಿ 40 ಪೈಸೆ, ಡಿಮ್ಯಾಂಡ್ ಶುಲ್ಕದಲ್ಲಿ ಪ್ರತಿ ಕೆವಿಎಗೆ 10 ರೂಪಾಯಿ ಇಳಿಸಲಾಗಿದೆ.
ಈ ದರ ಪರಿಷ್ಕರಣೆಯು ಏಪ್ರಿಲ್ 1ರಿಂದ ರಾಜ್ಯದ ಎಲ್ಲಾ ವಿದ್ಯುತ್ ಸರಬರಾಜು ಕಂಪನಿಗಳ ವ್ಯಾಪ್ತಿಯಲ್ಲಿ ಜಾರಿಗೆ ಬರಲಿದೆ.
ಇದನ್ನೂ ಓದಿ:ಉದ್ಯೋಗ ಮೇಳ ಯಶಸ್ವಿ, ಪ್ರಾದೇಶಿಕ ಮಟ್ಟದಲ್ಲೂ ಆಯೋಜನೆಗೆ ನಿರ್ಧಾರ: ಸಚಿವ ಶರಣ್ ಪ್ರಕಾಶ್ ಪಾಟೀಲ್
