By PTI
Published : Mar 11, 2024, 4:20 PM IST
ಸಿಡ್ನಿ, ಆಸ್ಟ್ರೇಲಿಯಾ:ಸಿಡ್ನಿಯಿಂದ ನ್ಯೂಜಿಲೆಂಡ್‌ನ ಆಕ್ಲೆಂಡ್‌ಗೆ ಪ್ರಯಾಣಿಸುತ್ತಿದ್ದ ಚಿಲಿಯ ವಿಮಾನದಲ್ಲಿ ‘ಪ್ರಬಲ ಚಲನೆ’ (strong movement) ಉಂಟಾಗಿದ್ದರಿಂದ ಕನಿಷ್ಠ 50 ಜನರು ಗಾಯಗೊಂಡಿರುವುದಾಗಿ ಅಧಿಕಾರಿಗಳು ಹೇಳಿದ್ದಾರೆ.
LATAM ಏರ್‌ಲೈನ್ಸ್ ಹೇಳಿಕೆ ಪ್ರಕಾರ, ವಿಮಾನ ಹಾರಾಟದ ವೇಳೆ ತಾಂತ್ರಿಕ ವೈಫಲ್ಯ ಕಂಡು ಬಂದಿದ್ದು, ಇದರಿಂದಾಗಿ ವಿಮಾನದೊಳಗೆ ಪ್ರಬಲವಾದ ಚಲನೆ ಉಂಟಾಗಿದೆ. ಕೂಡಲೆ ಪೈಲಟ್ ವಿಮಾನವನ್ನು ಆಕ್ಲೆಂಡ್‌ನಲ್ಲಿ ಲ್ಯಾಂಡಿಂಗ್ ಮಾಡಿದ್ದಾರೆ. ವಿಮಾನವು ಕೆಳಗಿಳಿದಾಕ್ಷಣ ಪ್ರಯಾಣಿಕರನ್ನು ಅರೆವೈದ್ಯರು ಚಿಕಿತ್ಸೆಗೊಳಪಡಿಸಿದರು.
ಘಟನಾ ಸ್ಥಳದಲ್ಲಿ ಸುಮಾರು 50 ಜನರಿಗೆ ಸಣ್ಣಪುಟ್ಟನ ಗಾಯಗಳಿಗೆ ಚಿಕಿತ್ಸೆ ನೀಡಲಾಗಿದ್ದು, 13 ಮಂದಿಯನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಒಬ್ಬ ರೋಗಿಯ ಸ್ಥಿತಿ ಗಂಭೀರವಾಗಿದೆ ಎಂದು ಆಂಬ್ಯುಲೆನ್ಸ್ ವಕ್ತಾರರು ತಿಳಿಸಿದ್ದಾರೆ.
ಬೋಯಿಂಗ್ 787-9 ಡ್ರೀಮ್‌ಲೈನರ್ ನಿಗದಿತ ಸಮಯದಂತೆ ಆಕ್ಲೆಂಡ್ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆಯಿತು. ಘರ್ಷಣೆ ಹೇಗೆ ಉಂಟಾಯಿತು ಎಂಬುದರ ಬಗ್ಗೆ ತನಿಖೆ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಓದಿ:'ಇದು ಕ್ಲಾಸ್ರೂಮ್ ಅಲ್ಲ ಬೆಡ್ರೂಮ್': ಸರ್ಕಾರಿ ಶಾಲೆಯೇ ಶಿಕ್ಷಕಿಯ ನಿವಾಸ!
