ಒಮ್ಮೆಯಾದ್ರೂ 'ರಸ್ಕ್ ಹಲ್ವಾ' ಟೇಸ್ಟ್​ ಮಾಡಿದ್ದೀರಾ?:ರಸ್ಕ್​ನಿಂದ ರುಚಿಕರ ಹಲ್ವಾ ಮಾಡೋದು ಹೇಗೆ? - How to prepare rusk halwa

Rusk Halwa Recipe in Kannada: ಹಲ್ವಾ ಎಂದರೆ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರಿಗೂ ಬಾಯಲ್ಲಿ ನೀರೂರಿಸುವ ಖಾದ್ಯ. ಅಂಥವರಿಗಾಗಿಯೇ ಸೂಪರ್ ಮತ್ತು ಸಖತ್​ ಟೇಸ್ಟಿಯಾದ ಹಲ್ವಾ ರೆಸಿಪಿಯೊಂದನ್ನು ನಿಮಗಾಗಿ ತಂದಿದ್ದೇವೆ. ಅದುವೇ.. 'ರಸ್ಕ್ ಹಲ್ವಾ'. ಈ ಹಲ್ವಾವನ್ನು ಕಡಿಮೆ ಸಮಯದಲ್ಲಿ ತಯಾರಿಸುವುದು ತುಂಬಾ ಸರಳ ಮತ್ತು ಒಮ್ಮೆ ತಿಂದರೆ ಮತ್ತೆ ಮತ್ತೆ ಬೇಕು ಅನಿಸುತ್ತದೆ. ರಸ್ಕ್ ಹಲ್ವಾ ಹೇಗೆ ಮಾಡಬೇಕು ಎಂದು ಈ ಸ್ಟೋರಿಯಲ್ಲಿ ಕಲಿಯೋಣ ಬನ್ನಿ.

Rusk Halwa Recipe in Kannada: ಊಟದ ನಂತರ ಏನಾದರೂ ಸಿಹಿ ತಿನ್ನುವ ಅಭ್ಯಾಸ ಅನೇಕರಿಗೆ ಇರುತ್ತದೆ. ಆದರೆ, ಎಷ್ಟೇ ಬಗೆಯ ಸಿಹಿತಿಂಡಿಗಳಿದ್ದರೂ ಹಲ್ವಾಗೆ ಮಾತ್ರ ವಿಶೇಷ ಸ್ಥಾನವಿದೆ. ಬಾಯಲ್ಲಿ ನೀರೂರಿಸುವ ಈ ಸಿಹಿ ರೆಸಿಪಿಯನ್ನು ಮಕ್ಕಳಿಂದ ದೊಡ್ಡವರವರೆಗೂ ಇಷ್ಟಪಡುತ್ತಾರೆ. ನೀವು ಈಗಾಗಲೇ ಹಲ್ವಾದಲ್ಲಿ ಹಲವು ವೆರೈಟಿಗಳನ್ನು ಟ್ರೈ ಮಾಡಿರಬೇಕು. ಆದರೆ, ಒಮ್ಮಿಯಾದರೂ "ರಸ್ಕ್ ಹಲ್ವಾ" ರುಚಿ ನೋಡಿದ್ದೀರಾ? ಬಹುತೇಕ ರಸ್ಕ್​ ಹಲ್ವಾ ಬಗ್ಗೆ ತಿಳಿದಿರುವುದೇ ಇಲ್ಲ. ಆದರೆ, ರುಚಿಯೇ ಬೇರೆ ಇರುತ್ತದೆ.

ಈ ಹಲ್ವಾದಲ್ಲಿ ಎಣ್ಣೆ, ತುಪ್ಪ ಜಾಸ್ತಿ ಹಾಕುವ ಅಗತ್ಯವಿಲ್ಲ. ಈ ಸಿಹಿಯನ್ನು ಒಮ್ಮೆ ತಿಂದರೆ ಸಾಕು ಮತ್ತೆ ಮತ್ತೆ ತಿನ್ನಬೇಕೆನಿಸುತ್ತದೆ. ರುಚಿ ಕೂಡ ಅದ್ಭುತವಾಗಿರುತ್ತದೆ. ಇದಲ್ಲದೇ, ಈ ಹಲ್ವಾ ಮಾಡುವುದು ತುಂಬಾ ಸುಲಭ! ಹಾಗಾದರೆ, ಈ ಸೂಪರ್ ಟೇಸ್ಟಿಯಾದ ರಸ್ಕ್ ಹಲ್ವಾ ಮಾಡಲು ಬೇಕಾಗುವ ಪದಾರ್ಥಗಳು ಯಾವುವು? ಈಗ ಅದನ್ನು ಹೇಗೆ ಸಿದ್ಧಪಡಿಸಬೇಕೆಂದು ತಿಳಿಯೋಣ.

ಹಲ್ವಾ ಸಿದ್ಧಪಡಿಸಲು ಬೇಕಾದ ಪದಾರ್ಥಗಳೇನು?:

• ಒಂದು ಕಪ್ ರಸ್ಕ್ (10 ರಸ್ಕ್)
• 2 ಟೇಬಲ್​ಸ್ಪೂನ್​ ಒಣದ್ರಾಕ್ಷಿ
• ಒಂದು ಹಿಡಿ ಗೋಡಂಬಿ
• 3 ಚಮಚ ತುಪ್ಪ
• ಒಂದು ಕಪ್ ಸಕ್ಕರೆ
• 2 ಸಿಪ್ಪೆ ತೆಗೆದಿಟ್ಟ ಏಲಕ್ಕಿ
• ಒಂದು ಚಿಟಿಕೆ ಕೇಸರಿ

ತಯಾರಿಸುವ ವಿಧಾನ?:

• ಮೊದಲು ರಸ್ಕ್ ತೆಗೆದುಕೊಂಡು ತುಂಡುಗಳಾಗಿ ಕತ್ತರಿಸಿ. ಸಾಧ್ಯವಾಗದಿದ್ದರೆ ಮಿಕ್ಸಿಯಲ್ಲಿ ಹಾಕಿ ರುಬ್ಬಿಕೊಳ್ಳಬಹುದು. (ಇದು ನಯವಾಗಿರಬೇಕು ಮತ್ತು ತುಂಬಾ ಮೃದುವಾಗಿರಬಾರದು.)
• ಈಗ ಒಲೆ ಆನ್ ಮಾಡಿ ಪಾತ್ರೆಯೊಂದರಲ್ಲಿ ತುಪ್ಪ ಹಾಕಿ ಬಿಸಿ ಮಾಡಿ.
• ನಂತರ ಒಣದ್ರಾಕ್ಷಿ ಮತ್ತು ಗೋಡಂಬಿಯನ್ನು ಒಂದರ ನಂತರ ಒಂದರಂತೆ ಹಾಕಿ ಹುರಿದು ಪಕ್ಕಕ್ಕೆ ಇಡಿ.
• ಆ ನಂತರ ಇನ್ನೂ ಸ್ವಲ್ಪ ತುಪ್ಪ ಹಾಕಿ ರಸ್ಕ್ ಪೌಡರ್ ಹಾಕಿ ಕಡು ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ ಪಕ್ಕಕ್ಕೆ ಇಡಿ. (ಕಡಿಮೆ ಉರಿಯಲ್ಲಿ ಹುರಿಯಿರಿ)
• ಈಗ ಅದೇ ಪಾತ್ರೆಯಲ್ಲಿ ಸಕ್ಕರೆ ಮತ್ತು ಒಂದೂವರೆ ಕಪ್ ನೀರು ಹಾಕಿ ಕುದಿಸಿ.
• ಅದಕ್ಕೆ ಸಿಪ್ಪೆ ತೆಗೆದಿಟ್ಟ ಏಲಕ್ಕಿ ಮತ್ತು ಒಂದು ಚಿಟಿಕೆ ಕೇಸರಿ ಹಾಕಿ ಕುದಿಸಿ. (ಕೇಸರಿ ಸೇರಿಸುವುದರಿಂದ ಪರಿಮಳದ ಜೊತೆಗೆ ಬಣ್ಣ ಬರುತ್ತದೆ)
• ಕುದಿದ ನಂತರ, ಪುಡಿ ಮಾಡಿದ ರಸ್ಕ್ ಮಿಶ್ರಣವನ್ನು ಸೇರಿಸಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಿ.
• ಹುರಿದ ಒಣದ್ರಾಕ್ಷಿ ಮತ್ತು ಗೋಡಂಬಿ ಸೇರಿಸಿ ಮಿಕ್ಸ್ ಮಾಡಿದರೆ ಸಾಕು ರುಚಿಕರವಾದ ರಸ್ಕ್ ಹಲ್ವಾ!

ಇದನ್ನೂ ಓದಿ: