ಬರ್ಲಿನ್​ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳುತ್ತಿರುವ ಮೊದಲ ಕನ್ನಡ ಚಿತ್ರ 'ವಾಘಚಿಪಾಣಿ' : ಟೀಸರ್​ ನೋಡಿದ್ರಾ

ಬರ್ಲಿನ್​ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಕನ್ನಡದ 'ವಾಘಚಿಪಾಣಿ' ಪ್ರದರ್ಶನಗೊಳ್ಳುತ್ತಿದೆ.

ಅನುರಾಗ್​ ಕಶ್ಯಪ್​​ ಪ್ರಸ್ತುತಪಡಿಸುತ್ತಿರುವ 'ವಾಘಚಿಪಾಣಿ' ಚಿತ್ರ ಬರ್ಲಿನ್​ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕೆ ಆಯ್ಕೆಯಾಗಿದೆ. ನಟೇಶ್​ ಹೆಗಡೆ ಆ್ಯಕ್ಷನ್​ ಕಟ್​ ಹೇಳಿರುವ ಸಿನಿಮಾ ಇದು. ಈ ಪ್ರತಿಷ್ಠಿತ ಚಲನಚಿತ್ರೋತ್ಸವಕ್ಕೆ ಪ್ರವೇಶ ಪಡೆದ ಮೊದಲ ಕನ್ನಡ ಸಿನಿಮಾ ಇದು ಅನ್ನೋದು ಗಮನಾರ್ಹ ಸಂಗತಿ.

ಬರ್ಲಿನ್​ ಫಿಲ್ಮ್ ಫೆಸ್ಟಿವಲ್​​ ಈಗಾಗಲೇ ಆರಂಭಗೊಂಡಿದ್ದು, ಟೈಗರ್ಸ್​ ಪಾಂಡ್​ ಅಥವಾ ವಾಘಚಿಪಾಣಿ ಸ್ಕ್ರೀನಿಂಗ್ ಸಹ​ ಶುರುವಾಗಿದೆ. ಫೆಬ್ರವರಿ 15ರ, ಶನಿವಾರದಂದು ಸಂಜೆ 7:15ಕ್ಕೆ ಪ್ರದರ್ಶನ (ವರ್ಲ್ಡ್ ಪ್ರೀಮಿಯರ್​) ಕಂಡಿದೆ. ಫೆ.16, ಭಾನುವಾರ ಮಧ್ಯಾಹ್ನ 12:45ಕ್ಕೆ ಪ್ರದರ್ಶನ ಕಂಡಿದೆ. ಫೆ.18, ಮಂಗಳವಾರ ಅಂದರೆ ಸೋಮವಾರ ಬೆಳಗ್ಗೆ 9 ಗಂಟೆಗೆ ಪ್ರದರ್ಶನ (ಪ್ರೆಸ್​ ಆ್ಯಂಡ್​ ಇಂಡಸ್ಟ್ರಿ ಸ್ಕ್ರೀನಿಂಗ್​) ಕಾಣಲಿದೆ. ಫೆ.20 ಗುರುವಾರ ಸಂಜೆ 7 ಗಂಟೆಗೆ ಮತ್ತು ಶುಕ್ರವಾರ ಮಧ್ಯಾಹ್ನ 2:30ಕ್ಕೆ ಪ್ರದರ್ಶನ ಕಾಣಲಿದೆ. ಚಿತ್ರದಲ್ಲಿ ನಟ ಅಚ್ಯುತ್​ ಕುಮಾರ್​ ನಟಿಸಿದ್ದಾರೆ.

ಇದನ್ನೂ ಓದಿ:ಪೋಷಕರ ಲೈಂಗಿಕ ಕ್ರಿಯೆ ಕುರಿತ ಹೇಳಿಕೆ ವಿವಾದ : ಫೆ.18ಕ್ಕೆ ವಿಚಾರಣೆಗೆ ಹಾಜರಾಗಲು ಸಮಯ್ ರೈನಾಗೆ ಸೂಚನೆ