ಗದಗ ಜಿಲ್ಲಾಡಳಿತದಿಂದ ನರ್ಸ್​ ಹುದ್ದೆ ನೇಮಕಾತಿಗೆ ಅರ್ಜಿ ಆಹ್ವಾನ

ಜಿಲ್ಲಾ ತಾಲೂಕು ಆಸ್ಪತ್ರೆ ಮತ್ತು ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಈ ಹುದ್ದೆಗಳ ನೇಮಕಾತಿ ನಡೆಸಲಾಗುವುದು.

ಬೆಂಗಳೂರು: ಗದಗದಲ್ಲಿ ರಾಷ್ಟ್ರೀಯ ಆರೋಗ್ಯ ಅಭಿಯಾನದಿಂದ ಮಕ್ಕಳ ಆರೋಗ್ಯ ಕಾರ್ಯಕ್ರಮದಡಿ ನರ್ಸ್​ ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನಿಸಲಾಗಿದೆ. ಜಿಲ್ಲಾ ತಾಲೂಕು ಆಸ್ಪತ್ರೆ ಮತ್ತು ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಈ ಹುದ್ದೆಗಳ ನೇಮಕಾತಿ ನಡೆಸಲಾಗುವುದು.

ಹುದ್ದೆ ವಿವರ: ಒಟ್ಟು 12 ನರ್ಸ್​ ಹುದ್ದೆಗಳು.

ಅಧಿಸೂಚನೆ (ಗದಗ ಜಿಲ್ಲಾ ಪಂಚಾಯತ್​​)

ವಿದ್ಯಾರ್ಹತೆ:ಅಭ್ಯರ್ಥಿಗಳು ಡಿಪ್ಲೊಮಾ ಇನ್​ ಜಿಎನ್​ಎಮ್​. ಬಿಎಸ್ಸಿ ನರ್ಸಿಂಗ್​​ ಪದವಿ ವಿದ್ಯಾರ್ಹತೆ ಹೊಂದಿರಬೇಕು. ಅಭ್ಯರ್ಥಿಗಳು ಕರ್ನಾಟಕ ಸರ್ಕಾರ ಮಾನ್ಯತೆಯಲ್ಲಿ ನರ್ಸಿಂಗ್​ ವಿದ್ಯಾರ್ಹತೆ, ಮತ್ತು ನರ್ಸಿಂಗ್​ ಕೌನ್ಸಿಲ್​ ನೋಂದಣಿ ಹೊಂದಿರಬೇಕು.

ವಯೋಮಿತಿ: ಕನಿಷ್ಠ 18 ಮತ್ತು ಗರಿಷ್ಠ 45 ವರ್ಷ ವಯೋಮಿತಿ ಮೀರಿರಬಾರದು.

ವೇತನ: ಮಾಸಿಕ 14,187 ರೂ ನಿಗದಿಸಲಾಗಿದೆ.

ಆಯ್ಕೆ:ಈ ಹುದ್ದೆಗಳನ್ನು ರೋಸ್ಟರ್​ ಮತ್ತು ಮೆರಿಟ್​ ಆಧಾರದ ಮೇಲೆ ನೇಮಕ ಮಾಡಲಾಗುವುದು.

ಅರ್ಜಿ ಸಲ್ಲಿಕೆ: ಈ ಹುದ್ದೆಗಳಿಗೆ ಅಭ್ಯರ್ಥಿಗಳು ಆನ್​ಲೈನ್​ ಮೂಲಕ ಮಾತ್ರ ಅರ್ಜಿ ಸಲ್ಲಿಸಬಹುದಾಗಿದೆ. ಅರ್ಜಿ ಸಲ್ಲಿಕೆಗೆ ಜನವರಿ 16 ಕಡೇಯ ದಿನವಾಗಿದೆ.

ಈ ಹುದ್ದ ಕುರಿತು ಹೆಚ್ಚಿನ ಮಾಹಿತಿ ಮತ್ತು ಅಧಿಕೃತ ಅಧಿಸೂಚನೆಗೆ ಅಭ್ಯರ್ಥಿಗಳು gadag.nic.in ಭೇಟಿ ನೀಡಿ.

ಇದನ್ನೂ ಓದಿ: ಆಧಾರ್​​ ಸೇವಾ ಕೇಂದ್ರದಲ್ಲಿ ಪಿಯುಸಿ ಆದವರಿಗೆ ಹುದ್ದೆ; ಈ ಜಿಲ್ಲೆಗಳಲ್ಲಿ ಇದೆ ಅವಕಾಶ