ಗ್ರಾಮಸ್ಥರಿಗೆ ಹೇಳಿ ಸುಮಲತಾಗೆ ಮತ ಹಾಕುವಂತೆ ಸಲಹೆ ನೀಡುವೆ: ಗಡ್ಡಪ್ಪ

ನಟ ಅಂಬರೀಶ್​ ತಾವು ಬದುಕಿದ್ದಾಗ ಒಳ್ಳೆಯ ಕೆಲಸ ಮಾಡಿದ್ದಾರೆ. ಅವರ ಪತ್ನಿ ಸುಮಲತಾ ಸಹ ಒಳ್ಳೆಯ ಕೆಲಸ ಮಾಡುತ್ತಾರೆ ಎಂಬ ನಂಬಿಕೆ ಇದೆ ಎಂದು 'ತಿಥಿ' ಸಿನಿಮಾ ಖ್ಯಾತಿಯ ಗಡ್ಡಪ್ಪ ಅವರು 'ಈ ಟಿವಿ ಭಾರತ್'ಗೆ ತಿಳಿಸಿದರು. ನೊದೆಕೊಪ್ಪಲು ಗ್ರಾಮದ ತಮ್ಮ ನಿವಾಸದಲ್ಲಿ ಮಾತನಾಡಿದ ಅವರು, ಅಂಬರೀಶ್ ಇದ್ದಾಗ ಒಳ್ಳೆಯ ಕೆಲಸ ಮಾಡಿದ್ದಾರೆ. ಗ್ರಾಮಸ್ಥರಿಗೆ ಹೇಳಿ ಸುಮಲತಾ ಅವರಿಗೆ ಮತದಾನ ಮಾಡುವಂತೆ ಸಲಹೆ ನೀಡುವೆ ಎಂದರು. ಅಲ್ಲದೆ ಇದೇ ವೇಳೆ ನಟ ದರ್ಶನ್ ತಮ್ಮ ಆರೋಗ್ಯ ವಿಚಾರಿಸಿದ್ದರ ಕುರಿತು ತಿಳಿಸಿದರು.