ಆಂಜನೇಯನ ಮೊರೆ ಹೋದ ಕುದುರೆ.. ವಿಡಿಯೋ ವೈರಲ್​​

ಸಾಮಾನ್ಯವಾಗಿ ಮನುಷ್ಯರು ಸಂಕಷ್ಟದ ಸಮಯದಲ್ಲಿ ದೇವರ ಮೊರೆಹೋಗುತ್ತಾರೆ. ಆದ್ರೆ ಬಾಗಲಕೋಟೆ ತಾಲೂಕಿನ ಮುರನಾಳ ಗ್ರಾಮದ ಪುನರ್ವಸತಿ ಕೇಂದ್ರದ ಸಮೀಪವಿರುವ ಆಂಜನೇಯನ ಪುಟ್ಟ ಗುಡಿಯ ಮುಂದೆ ಕುದುರೆಯೊಂದು ನಿಂತು ಅಚ್ಚರಿಯನ್ನುಂಟು ಮಾಡಿದೆ. ಆ ಪುಟ್ಟ ಗುಡಿಯ ಕಟ್ಟೆಗೆ ಕುದುರೆ ಹಣೆಯಿಟ್ಟು ಮಗ್ನವಾಗಿ ಸುಮಾರು 20 ನಿಮಿಷ ಹಾಗೆ ನಿಂತಿತ್ತು. ಕುದುರೆ ಅದ್ಯಾವ ಕಷ್ಟ ಪರಿಹಾರ ಮಾಡುವಂತೆ ಪ್ರಾರ್ಥನೆ ಸಲ್ಲಿಸಿತು ಎಂಬುದೀಗ ಚರ್ಚೆಯ ವಿಷಯವಾಗಿದೆ. ಕುದುರೆಯ ಹಾವ-ಭಾವ ನೋಡಿ ಸ್ಥಳೀಯರು, ದಾರಿಹೋಕರರು ಆಶ್ಚರ್ಯಗೊಂಡಿದ್ದು, ಶಾಲಾ ಶಿಕ್ಷಕರೊಬ್ಬರು ಮೊಬೈಲ್​​ನಲ್ಲಿ​​​​ ಈ ದೃಶ್ಯವನ್ನು ಸೆರೆಹಿಡಿದಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಸಖತ್​​ ಸದ್ದು ಮಾಡ್ತಿದೆ.