ನಮ್ಮೂರು ನಮ್ಮ ರಂಗಿನಲ್ಲಿ 'ರಂಗಿನಾಟ' ಆಡಿದ ಬಾಗಲಕೋಟೆ ಯುವಕರು

ಬಾಗಲಕೋಟೆ ನಗರದಲ್ಲಿ ಹೋಳಿ ಹಬ್ಬದ ರಂಗಿನಾಟವು ಎರಡನೇ ದಿನವು ಅದ್ಧೂರಿಯಾಗಿ ನಡೆಯಿತು. ಬಾಗಲಕೋಟೆ ಹೋಳಿ ಹಬ್ಬದ ಸಮಿತಿಯಿಂದ ನಮ್ಮೂರು ನಮ್ಮ ರಂಗು ಎಂಬ ಹೆಸರಿನಲ್ಲಿ ಆಯೋಜಿಸಿದ್ದ ವಿಶೇಷ ಕಾರ್ಯಕ್ರಮಕ್ಕೆ ಮಾಜಿ ಶಾಸಕ ಎಸ್.ಜಿ.ನಂಜಯ್ಯನಮಠ ಹಲಗೆಯನ್ನು ಬಾರಿಸುವ ಮೂಲಕ‌ ಚಾಲನೆ ನೀಡಿದರು. ಬಸವೇಶ್ವರ ವೃತ್ತದ ಬಳಿ ಆಯೋಜಿಸಿದ್ದ ಕಾರಂಜಿಯಲ್ಲಿ ಯುವಕರು ಡಿಜೆ ಸಂಗೀತದ ಮೂಲಕ ಕುಣಿದು ಕುಪ್ಪಳಿಸಿದರು. ಸಂಜೆ ನಾಲ್ಕು ಗಂಟೆಯ ನಂತರ ಎರಡನೇ ದಿನ ಬಣ್ಣದ ಅಂಗವಾಗಿ ಕಿಲ್ಲಾ ಹಾಗೂ ಜೈನ್ ಪೇಟೆ ಗಲ್ಲಿಯ ಯುವಕರು ಟ್ರ್ಯಾಕ್ಟರ್​ನಲ್ಲಿ ಬಣ್ಣವನ್ನು ಇಟ್ಟುಕೊಂಡು ಬಂದು ಪರಸ್ಪರ ಎರಚುವ ಮೂಲಕ ಹೋಳಿಯ ರಂಗು ರಂಗೇರಿಸುವಂತೆ ಮಾಡಿದರು. ಮುಳಗಡೆ ನಗರದಲ್ಲಿ ಬಣ್ಣದ ಹಬ್ಬವನ್ನು ನೋಡುವುದೇ ಕಣ್ಣಿಗೆ ಹಬ್ಬವಾಗಿತ್ತು.