ಗೃಹಕಚೇರಿ ಕೃಷ್ಣಾದಲ್ಲಿ ಕಾಣಿಸಿಕೊಂಡ ಆ ಕಾರು ಯಾರದ್ದು, ಗೊತ್ತಾ? ಬೆಲೆ ಕೇಳಿದರೆ ಮೂಗಿನ ಮೇಲೆ ಬೆರಳು ಇರುತ್ತೀರಿ!

ಬುಧವಾರ ಸಿಎಂ ಬಿಎಸ್​ ಯಡಿಯೂರಪ್ಪನವರ ಗೃಹಕಚೇರಿ ಕೃಷ್ಣಾದಲ್ಲಿ ಕಾರೊಂದು ವಿಶೇಷ ಗಮನ ಸೆಳೆಯಿತು. ಈ ಕಾರು ಕಳೆದು ಒಂದು ವಾರವಷ್ಟೆ ನಗರಕ್ಕೆ ಬಂದಿದ್ದು, ಇದನ್ನು ವೀಕ್ಷಿಸಿಲು ಅಲ್ಲಿದ್ದವರೆಲ್ಲ ಮುಗಿಬಿದಿದ್ದರು. ಎಲ್ಲರಲ್ಲೂ ಅಚ್ಚರಿ ಮೂಡಿಸಿದ ಈ ಕಾರು ಬೇರೆ ಯಾರದ್ದು ಅಲ್ಲ, ಹೊಸಕೋಟೆ ಅನರ್ಹ ಕಾಂಗ್ರೆಸ್ ಶಾಸಕ ಮಾಜಿ ಸಚಿವ ಎಂ.ಟಿ. ಬಿ .ನಾಗರಾಜ್ ಅವರದ್ದು, ಈ ರೋಲ್ಸ್‌ರಾಯ್‌ ಕಾರು ದುಬೈನಿಂದ ಬಂದಿದ್ದು, ಬರೋಬ್ಬರಿ 12 ಕೋಟಿ ರೂಪಾಯಿ ಬೆಲೆಯದ್ದಾಗಿದೆ. ಅಲ್ಲಿಂದ ಇಲ್ಲಿಗೆ ಕಾರನ್ನು ತಂದು ಇಲ್ಲಿ ನೋಂದಣಿಗಾಗಿಯೇ ಒಂದು ಕೋಟಿ ರೂಪಾಯಿವರೆಗೂ ವೆಚ್ಚ ಮಾಡಲಾಗಿದೆ. ಇಂದು ಮುಖ್ಯಮಂತ್ರಿ ಪರಿಹಾರ ನಿಧಿಗೆ ದೇಣಿಗೆ ನೀಡಲು ಶಾಸಕರು ಇದೇ ಕಾರಿನಲ್ಲಿ ಬಂದಿದ್ದರು. ಈಗಾಗಲೇ ಹತ್ತಾರು ಕಾರುಗಳನ್ನು ಶಾಸಕರು ಹೊಂದಿದ್ದು, ಇದೀಗ ಅವುಗಳ ಸಾಲಿಗೆ ಹೊಸದೊಂದು ವಿದೇಶಿ ಕಾರು ಸೇರ್ಪಡೆಯಾಗಿದೆ.