ಬೆಂಗಳೂರಲ್ಲಿ ಪೊಲೀಸರಿಂದ ಆಯುಧ ಪೂಜೆ: ತಳಿರು ತೋರಣಗಳಿಂದ ಕಚೇರಿಗೆ ಸಿಂಗಾರ

ಬೆಂಗಳೂರು: ನಾಡಿನೆಲ್ಲೆಡೆ ಆಯುಧ ಪೂಜೆ ಆಚರಣೆ ಹಿನ್ನೆಲೆ ಪೊಲೀಸರು ಸಹ ತಮ್ಮ ಠಾಣೆಗಳಲ್ಲಿ ಬಂದೂಕು, ವಾಹನ, ಕಚೇರಿಗೆ ಪೂಜೆ ಸಲ್ಲಿಸಿದ್ದಾರೆ. ನಗರದ ಪೊಲೀಸ್ ಮಹಾನಿರ್ದೇಶಕರ ಕಚೇರಿ, ನಗರ ಪೊಲೀಸ್ ಆಯುಕ್ತರ ಕಚೇರಿ, ಸಿಸಿಬಿ, ಭಯೋತ್ಪಾದಕ ನಿಗ್ರಹ ದಳ, ಎಸಿಬಿ ಸೇರಿದಂತೆ ನಗರದ ಎಲ್ಲ ಠಾಣೆಗಳಲ್ಲಿ ಹೂವು ಹಾಗೂ ಮಾವಿನ ಎಲೆಯಿಂದ ಶೃಂಗಾರ ಮಾಡಿ ಆಯುಧ ಪೂಜೆ ಸಲ್ಲಿಸಲಾಗಿದೆ.