ಸೇತುವೆ ಕುಸಿದು ಕಂದಕದಲ್ಲಿ‌ ಸಿಲುಕಿದ ಟ್ರ್ಯಾಕ್ಟರ್: ತಪ್ಪಿದ ಭಾರಿ ಅನಾಹುತ.. Video - ಸಣ್ಣ ಪುಟ್ಟ ಗಾಯ

ಧಾರವಾಡ: ಸೇತುವೆ ಮೇಲೆ ಟ್ರ್ಯಾಕ್ಟರ್​ ಹೋಗುತ್ತಿದ್ದ ವೇಳೆ ಏಕಾಏಕಿ ಸೇತುವೆ ಕುಸಿದು ಟ್ರ್ಯಾಕ್ಟರ್​ ಸೇತುವೆ ಮಧ್ಯೆಯೇ ಸಿಲುಕಿಕೊಂಡಿರುವ ಘಟನೆ ಧಾರವಾಡ ಜಿಲ್ಲೆಯ ಮೊರಬ ಆಯಟ್ಟಿ ಮಧ್ಯದ ಸೇತುವೆಯಲ್ಲಿ ಬುಧವಾರ ಸಂಭವಿಸಿದೆ. ಯೋಗೀಶ್​ ತೋಟದ ಎಂಬವರು ಕುಟುಂಬದ ಜೊತೆಗೆ ಎಂದಿನಂತೆ ಬುಧವಾರ ಬೆಳಗ್ಗೆ ಕೂಡ ತಮ್ಮ‌ ಜಮೀನಿಗೆ ಕೆಲಸಕ್ಕೆ ಹೊರಟಿದ್ದರು. ಟ್ರ್ಯಾಕ್ಟರ್ ಸೇತುವೆ ಮೇಲೆ ಸಾಗುತ್ತಿದ್ದ ವೇಳೆ ಸೇತುವೆ ಕುಸಿದು ಬಿದ್ದಿದೆ. 

ಸೇತುವೆಯ ಮಧ್ಯಭಾಗದಲ್ಲಿ ಕಂದಕವಿದ್ದು, ಕಂದಕ ಬಳಿ ಟ್ರ್ಯಾಕ್ಟರ್ ತಲುಪಿದಾಗ, ಟ್ರ್ಯಾಕ್ಟರ್​ ಭಾರಕ್ಕೆ ಸೇತುವೆ ಕುಸಿದಿದೆ. ಆ ವೇಳೆ ಟ್ರ್ಯಾಕ್ಟರ್​ ಅರ್ಧದಷ್ಟು ಕಂದಕದ ಒಳಗೆ ಸಿಲುಕಿಕೊಂಡಿದೆ. ಕಳೆದ ಕೆಲ ವರ್ಷಗಳ ಹಿಂದೆಯಷ್ಟೇ ಧಾರವಾಡ ಜಿಲ್ಲೆಯ ಮೊರಬ ಆಯಟ್ಟಿ ಮಧ್ಯದ ರಸ್ತೆಯ ಬಳಿ ತುಪ್ಪರಿಹಳ್ಳಕ್ಕೆ ಈ ಸೇತುವೆ ಕಟ್ಟಲಾಗಿತ್ತು. ಘಟನೆಯಲ್ಲಿ ಇಬ್ಬರಿಗೆ ಸಣ್ಣ ಪುಟ್ಟ ಗಾಯಗಳಾಗಿದ್ದು, ಅದೃಷ್ಟವಶಾತ್​ ಯಾವುದೇ ಪ್ರಾಣಿಹಾನಿ ಸಂಭವಿಸಿಲ್ಲ. ನವಲಗುಂದ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಇದನ್ನೂ ನೋಡಿ:ಹಾವೇರಿ ಪ್ರವಾಸಕ್ಕಾಗಿ ಬಂದಿದ್ದ ರಾಯಚೂರಿನ ಶಾಲಾ ಬಸ್​ ಪಲ್ಟಿ: ಮೂವರು ಮಕ್ಕಳು ಸೇರಿ ನಾಲ್ವರಿಗೆ ಗಾಯ