ಎಷ್ಟು ನಿದ್ರೆ ಮಾಡ್ತೀರಿ ಎಂಬುದರ ಮೇಲೆ ಕೋವಿಡ್​ ಲಸಿಕೆ ಪರಿಣಾಮ ಅವಲಂಬಿತವಾಗಿದೆ!

ಕೋವಿಡ್​ ಲಸಿಕೆ ಪಡೆಯುವ ವಾರ ಮುನ್ನ ಮತ್ತು ಪಡೆದ ವಾರದ ಬಳಿಕ ಉತ್ತಮ ನಿದ್ರೆ ಹೊಂದಿಲ್ಲದಿದ್ದರೆ, ಅದರ ಪರಿಣಾಮ ಕಡಿಮೆ ಇರುತ್ತದೆ ಎಂದು ಹೊಸ ಅಧ್ಯಯನ ತಿಳಿಸಿದೆ.

ನ್ಯೂಯಾರ್ಕ್​: ಕೋವಿಡ್​ 19 ಸೋಂಕಿನ ಪರಿಣಾಮ ಕುರಿತು ಹಲವಾರು ಅಧ್ಯಯನಗಳು ಹೊರ ಬಂದಿದ್ದು, ಇದೀಗ ಹೊಸ ಅಧ್ಯಯನವೊಂದು ಈ ಕೋವಿಡ್​ ಲಸಿಕೆಗಳು ನಿದ್ರೆಯ ಚಕ್ರದ ಮೇಲೆ ಮಹತ್ವದ ಪರಿಣಾಮ ಬೀರುತ್ತದೆ ಎಂಬುದನ್ನು ತಿಳಿಸಿವೆ. ಕಡಿಮೆ ನಿದ್ರೆ ಹೊಂದಿರುವವರಲ್ಲಿ ಅದರಲ್ಲೂ ಕೋವಿಡ್-19 ಲಸಿಕೆ ಪಡೆದ ವಾರಗಳಲ್ಲಿ ರಾತ್ರಿ ಆರು ಗಂಟೆಗಳಿಗಿಂತ ಕಡಿಮೆ ನಿದ್ರೆ ಹೊಂದಿರುವರಲ್ಲಿ, ಅದು ಮೊಂಡಾದ ಪ್ರತಿಕಾಯ ಪ್ರತಿಕ್ರಿಯೆ ಹೊಂದಿರುತ್ತದೆ.

ಇನ್ಫ್ಲುಯೆನ್ಸ ಮತ್ತು ಹೆಪಟೈಟಿಸ್ನಂತಹ ವೈರಲ್ ಕಾಯಿಲೆಗಳ ವಿರುದ್ಧ ವ್ಯಾಕ್ಸಿನೇಷನ್ ಎಷ್ಟು ಪ್ರಭಾವ ಬೀರುತ್ತದೆ ಎಂಬುದು ನಿದ್ರೆಯ ಅವಧಿಯ ಮೇಲೆ ಅವಲಂಬಿತವಾಗಿದೆ ಎಂದು ಸಂಶೋಧನೆಯಲ್ಲಿ ಕಂಡುಕೊಳ್ಳಲಾಗಿದೆ. ಚಿಕಾಗೋ ಯುನಿವರ್ಸಿಟಿ ಮತ್ತು ಫ್ರೆಂಚ್​ ನ್ಯಾಷನಲ್​ ಇನ್ಸ್​ಟಿಟ್​ಯೂಟ್​ ಆಫ್​ ಹೆಲ್ತ್​​ ಅಮಡ್​ ಮೆಡಿಕಲ್​ ರಿಸರ್ಚ್​, ಮೆಟಾ ಅನಾಲಿಸಿಸ್​ ನಡೆಸಿ ಅಂಶವನ್ನು ಸಂಶೋಧಕರು ಪತ್ತೆ ಹಚ್ಚಿದ್ದಾರೆ.

ಈ ಫಲಿತಾಂಶವನ್ನು ಫೈಜಾರ್​ - ಬಯೋಟೆಕ್​ ಕೋವಿಡ್​ 19 ಲಸಿಕೆ ಪ್ರತಿಕಾಯ ಪ್ರತಿಕ್ರಿಯೆಯಲ್ಲಿ ತಿಳಿದಿರುವ ಡೇಟಾಗಳನ್ನು ಹೋಲಿಸಿ ಅಧ್ಯಯನ ನಡೆಸಲಾಗಿದೆ. ಕಡಿಮೆ ನಿದ್ರೆ ಹೊಂದಿರುವವರಲ್ಲಿ ದುರ್ಬಲಗೊಂಡ ಪ್ರತಿಕಾಯ ಪ್ರತಿಕ್ರಿಯೆಯು ತುಂಬಾ ಆಳವಾಗಿರುತ್ತದೆ. ಇದು ಲಸಿಕೆ ಹಾಕಿದ ಎರಡು ತಿಂಗಳ ನಂತರ ಕೋವಿಡ್ 19 ಪ್ರತಿಕಾಯಗಳಲ್ಲಿನ ಕುಸಿತಕ್ಕೂ ಕಾರಣವಾಗುತ್ತದೆ. ಈ ಸಂಬಂಧ ಜರ್ನಲ್ ಕರೆಂಟ್ ಬಯಾಲಜಿಯಲ್ಲಿ ಸಂಶೋಧನೆ ಪ್ರಕಟವಾಗಿದೆ. ಪ್ರತಿರಕ್ಷಣೆಗಿಂತ ಮುಂಚಿತವಾಗಿ ಆರೋಗ್ಯಕರ ನಿದ್ರೆಯ ಅವಧಿಯನ್ನು ಉತ್ತೇಜಿಸುವ ಪ್ರಯತ್ನಗಳು ಲಸಿಕೆ ಪರಿಣಾಮಕಾರಿಯಾಗಿ ಸುಧಾರಿಸಲು ಸುಲಭವಾದ ಮಾರ್ಗವಾಗಿದೆ ಎಂದು ಸೂಚಿಸುತ್ತದೆ.

ಇನ್​ಫ್ಲುಯೆಂಜಾದಲ್ಲೂ ಇದೆ ರೀತಿ ಫಲಿತಾಂಶವನ್ನು ನಾವು ಕಾಣಬಹುದಾಗಿದೆ. ವೈರಸ್​ ಮತ್ತು ಹೆಪಟೈಟಿಸ್​ಗಳು ಲಿವರ್​ ಮೇಲೆ ಪರಿಣಾಮ ಬೀರಲಿದೆ. ಇದು ಕೊರೋನಾ ವೈರಸ್​ನಂತಹ ಸಾರ್ಸ್​ ಕೋವ್​-2 ಎಲ್ಲಾ ರೀತಿಯ ವೈರಸ್​ಗಳ ಮೇಲೆ ಪರಿಣಾಮವನ್ನು ವಿಸ್ತರಿಸಲಿದೆ ಎಂದು ಕರೈನೆ ಸಪಿಗೆಲ್​ ತಿಳಿಸಿದ್ದಾರೆ.

ಮಹಿಳೆಯರ ಮೇಲೆ ಹೆಚ್ಚಿನ ಪರಿಣಾಮ: ಲಿಂಗದ ಆಧಾರದ ಮೇಲೆ ಕೂಡ ಈ ಸಂಶೋಧನೆ ನಡೆಸಲಾಗಿದೆ. ಪುರುಷರಿಗೆ ಹೋಲಿಕೆ ಮಾಡಿದರೆ, ಮಹಿಳೆಯರಲ್ಲಿ ಲಸಿಕೆ ಪರಿಣಾಮ ಹೆಚ್ಚಿದೆ. ಮಹಿಳೆಯರಲ್ಲಿ ನಡೆಸಿದ ಯಾವುದೇ ಅಧ್ಯಯನಗಳು ಋತುಚಕ್ರದ ಮೂಲಕ ಲೈಂಗಿಕ ಹಾರ್ಮೋನ್ ಮಟ್ಟದಲ್ಲಿನ ವ್ಯತ್ಯಾಸಗಳು, ಗರ್ಭನಿರೋಧಕಗಳ ಬಳಕೆ ಮತ್ತು ಋತುಬಂಧದ ಸ್ಥಿತಿಗೆ ಕಾರಣ ಎಂದು ಅವರು ವಾದಿಸುತ್ತಾರೆ, ಇದು ಪ್ರತಿರಕ್ಷಣಾ ಕಾರ್ಯದ ಮೇಲೆ ಪರಿಣಾಮ ಬೀರುತ್ತದೆ.

ನಿಯಮಿತ ಕೆಲಸದ ಶೆಡ್ಯೂಲ್​ ಹೊಂದಿರದ ಜನರಲ್ಲಿ ನಿದ್ರೆ ಮತ್ತು ಲಸಿಕೆ ಪರಿಣಾಮಗಳು ಕಾಳಜಿ ವಿಷಯವಾಗಿದೆ. ಅದರಲ್ಲೂ ವಿಶೇಷವಾಗಿ ಶಿಫ್ಟ್​ಗಳಲ್ಲಿ ಕೆಲಸ ಮಾಡುವವರಲ್ಲಿ ನಿದ್ದೆ ಸಮಯ ಕಡಿತಗೊಂಡಿದೆ ಎಂದು ಚಿಕಾಗೊ ವಿಶ್ವವಿದ್ಯಾಲಯದ ಪ್ರೊ ಎವೆ ವಾನ್​ ಕಟರ್​ ತಿಳಿಸಿದ್ದಾರೆ. ಲಸಿಕೆ ಪಡೆಯು ವಾರ ಮತ್ತು ವಾರದ ಬಳಿಕ ಉತ್ತಮ ನಿದ್ರೆ ಅವಶ್ಯಕತೆ ಇದೆ. ಈ ಸಂಬಂಧ ಯೋಜನೆ ಮಾಡಬೇಕು ಎಂದಿದ್ದಾರೆ.

ಇದನ್ನೂ ಓದಿ: ಮಾನವನಿಗೆ ಆಪತ್ತು ತರುವ ವೈರಸ್​ಗಳ ಅಧ್ಯಯನಕ್ಕೆ ಚೌಕಟ್ಟು ರೂಪಿಸಬೇಕಿದೆ: ವಿಜ್ಞಾನಿಗಳ ಕರೆ