ಹೈದರಾಬಾದ್: ಕೊರೊನಾ BF.7 ರೂಪಾಂತರವು ಒಮಿಕ್ರಾನ್ ವೈರಸ್ನ ಉಪ ರೂಪಾಂತರಿ ಆಗಿದೆ. ಇದು ಹರಡುವ ವೇಗವನ್ನು ಗಮನಿಸಿ ದೇಶದಲ್ಲಿ ತಡೆಯುವ ಪ್ರಯತ್ನ ಈಗಾಗಲೇ ಪ್ರಾರಂಭವಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ವೈದ್ಯರು ವಿಶೇಷವಾಗಿ ಮಕ್ಕಳು ಮತ್ತು ವೃದ್ಧರಿಗೆ ಅಗತ್ಯವಿರುವ ಸಲಹೆ ಮತ್ತು ಕೆಲವೊಂದು ಮುನ್ನೆಚ್ಚರಿಕೆ ಕ್ರಮಗಳನ್ನು ನೀಡಿದ್ದಾರೆ. ಅವುಗಳು ಇಂತಿವೆ.
ದೇಶದಲ್ಲಿ ಕೋವಿಡ್-19 ಪ್ರಕರಣಗಳು ಪ್ರಸ್ತುತ ಆತಂಕಕಾರಿಯಾಗಿಲ್ಲ. ಅಲ್ಲದೇ ಚೇತರಿಸಿಕೊಳ್ಳುವ ರೋಗಿಗಳ ವೇಗ ಮತ್ತು ಶೇಕಡಾವಾರು ಪ್ರಮಾಣವು ತುಂಬಾ ಹೆಚ್ಚಿದೆ. ಆದರೆ ಚೀನಾದ ಕೋವಿಡ್ ಪರಿಸ್ಥಿತಿಯು ಭಾರತವನ್ನು ಮಾತ್ರವಲ್ಲದೆ ಇತರೆ ದೇಶಗಳನ್ನು ಚಿಂತೆಗೀಡು ಮಾಡಿದೆ. ಹೀಗಾಗಿ ಕೇಂದ್ರ ಸರ್ಕಾರವು ಸೋಂಕು ಪ್ರಾರಂಭವಾಗುವ ಮುನ್ನವೇ ಸುರಕ್ಷತಾ ಕ್ರಮಗಳನ್ನು ಅಳವಡಿಸಿಕೊಳ್ಳುವಂತೆ ಜನರಿಗೆ ಸಲಹೆ ನೀಡುತ್ತಿದೆ.
BF.7 ಜನರಿಗೆ ಪರಿಸ್ಥಿತಿಯನ್ನು ಕಷ್ಟಕರವಾಗಿಸುತ್ತದೆ.. ಕೊರೊನಾ ಸೋಂಕಿನ ಪ್ರಾರಂಭದಿಂದಲೂ, ಅದರ ಮೂಲ ವೈರಸ್ SARS-COV-2 ನಲ್ಲಿ ನಿರಂತರ ರೂಪಾಂತರಗಳನ್ನು ಗಮನಿಸಲಾಗಿದೆ. ಅವುಗಳಲ್ಲಿ ವಿವಿಧ ರೂಪಾಂತರ ಪ್ರಕರಣಗಳು ವರದಿಯಾಗಿವೆ. ಹೆಚ್ಚಿನ ಜನರು ಡೆಲ್ಟಾ, ಡೆಲ್ಟಾ ಪ್ಲಸ್, ಕಪ್ಪಾ ಮತ್ತು ಒಮಿಕ್ರಾನ್ ಸೋಂಕಿಗೆ ಒಳಗಾಗಿದ್ದಾರೆ. ಈ ವೈರಸ್ನ ಹೆಚ್ಚಿನ ರೂಪಾಂತರಗಳು ಪ್ರಪಂಚದ ವಿವಿಧ ಕಡೆಗಳಲ್ಲಿ ಕಂಡುಬಂದಿವೆ.
ವೈರಾಲಜಿಸ್ಟ್‌ಗಳು ಅಥವಾ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞರ ಪ್ರಕಾರ, ರೂಪಾಂತರವು ಕೋವಿಡ್ ವೈರಸ್ನ ಪ್ರವೃತ್ತಿಯಾಗಿದೆ ಮತ್ತು ಇದು ಅನೇಕ ರೀತಿಯ ಸಂಶೋಧನೆಗಳಲ್ಲಿ ದೃಢೀಕರಿಸಲ್ಪಟ್ಟಿದೆ. ಆದರೆ ಕೋವಿಡ್ 19ರ ಎಲ್ಲಾ ರೂಪಾಂತರಗಳ ನಡುವೆ ಈ ಒಮಿಕ್ರಾನ್ ಉಪ ರೂಪವಾದ BF.7 ಜನರಿಗೆ ಪರಿಸ್ಥಿತಿಯನ್ನು ಕಷ್ಟಕರವಾಗಿಸುತ್ತದೆ.
ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, ಒಮಿಕ್ರಾನ್ BA.5 ಉಪ ವಂಶಾವಳಿಯಾದ BF. 7 ಅತ್ಯಂತ ವೇಗವಾಗಿ ಹರಡುವ ಉಪ-ರೂಪಾಂತರವಾಗಿದೆ. ಇದು ಹೆಚ್ಚಿನ ತಟಸ್ಥೀಕರಣ ಪ್ರತಿರೋಧವನ್ನು ಹೊಂದಿದೆ. ಅಂದರೆ ಜನಸಂಖ್ಯೆಯಲ್ಲಿ ಇದರ ಹರಡುವಿಕೆಯ ವೇಗವು ಇತರ ರೂಪಾಂತರಗಳಿಗಿಂತ ಹೆಚ್ಚು ಎಂದು ಕೆಲವು ಸಂಶೋಧಕರು ಬಹಿರಂಗಪಡಿಸಿದ್ದಾರೆ. ಆರೋಗ್ಯವಂತ ವ್ಯಕ್ತಿಯಲ್ಲಿ ಇದರ ಪರಿಣಾಮಗಳು ತುಂಬಾ ಗಂಭೀರವಾಗಿಲ್ಲ ಎಂದು ನಂಬಲಾಗಿದೆ. ಆದರೆ ವೈರಸ್ ಸೋಂಕಿನಿಂದ ಬಳಲುತ್ತಿರುವ ವ್ಯಕ್ತಿಯ ಸಂಪರ್ಕದಿಂದ ಹರಡುವ ಸಾಧ್ಯತೆಯು ಹೆಚ್ಚಿದೆ. ಮಾತ್ರವಲ್ಲದೆ ಜನರೂ ಲಸಿಕೆ ಹಾಕಿಸಿಕೊಂಡರೂ ಅಥವಾ ಪ್ರತಿಕಾಯಗಳನ್ನು ಅಭಿವೃದ್ಧಿಪಡಿಸಿದ್ದರೂ ಸುಲಭವಾಗಿ ಪರಿಣಾಮ ಬೀರಬಹುದಾಗಿದೆ.