ವಿಜಯಪುರ: ಜಿಲ್ಲೆಯ ತಾಳಿಕೋಟೆ ತಾಲೂಕಿನ ಲಕ್ಕುಂಡಿ ಗ್ರಾಮದ ನಿಖಿಲ ಬಸವರಾಜ ಪಾಟೀಲ ಐಎಎಸ್ ಪರೀಕ್ಷೆಯಲ್ಲಿ 139 ನೇ ರ್ಯಾಂಕ್ ಗಳಿಸಿದ್ದಾರೆ. ತಂದೆ ಬಸವರಾಜ ಪಾಟೀಲ ಗೋಕಾಕ ತಾಲೂಕಿನ ಘಟಪ್ರಭಾ ಸಕ್ಕರೆ ಕಾರ್ಖಾನೆಯ ಕಾರ್ಮಿಕ ಅಧಿಕಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ತಾಯಿ ಅನ್ನಪೂರ್ಣ ಪಾಟೀಲ ಗೃಹಣಿಯಾಗಿದ್ದಾರೆ.
ಇಬ್ಬರು ಸಹೋದರಿಯರಿದ್ದು ಹಿರಿಯ ಸಹೋದರಿ ಎಮ್‌ಡಿ ಅನಸ್ತೇಶಿಯಾ ಮುಗಿಸಿದ್ದು ಕಲಬುರ್ಗಿಯ ಇಎಸ್‌ಐ ಆಸ್ಪತ್ರೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಕಿರಿಯ ಸಹೋದರಿ ಪಿಯುಸಿ ಕಲಿಯುತ್ತಿದ್ದಾರೆ. 1 ರಿಂದ 7 ಗೋಕಾಕ್ ಪ್ರಾಥಮಿಕ ಶಾಲೆಯಲ್ಲಿ ಕಲಿತಿದ್ದು ಹೈಸ್ಕೂಲ್ ಶಿಕ್ಷಣವನ್ನು ಹಾಗೂ ಪಿಯುಸಿ ಶಿಕ್ಷಣವನ್ನು ಅಳಕಿಯೆ ಸತ್ಯಸಾಯಿ ಲೋಕ ಸೇವಾ ಶಾಲೆಯಲ್ಲಿ ಕಲಿತಿದ್ದಾರೆ.