ಅಂಗನವಾಡಿ ಕಟ್ಟಡ ಕುಸಿತ...ಕೂದಲೆಳೆ ಅಂತರದಲ್ಲಿ ಸಹಾಯಕಿ ಪಾರು

ವಿಜಯಪುರದಲ್ಲಿ ಭೂಕುಸಿತವಾಗಿ ಅಂಗನವಾಡಿ ಗೋಡೆಯೊಂದು ಕುಸಿದು, ಕೂದಲೆಳೆ ಅಂತರದಲ್ಲಿ ಅಂಗನವಾಡಿ ಸಹಾಯಕಿಯೊಬ್ಬರು ಪಾರಾಗಿದ್ದಾರೆ.

ವಿಜಯಪುರ:ಭೂ ಕುಸಿತವಾಗಿ ಅಂಗನವಾಡಿ ಗೋಡೆ ಕುಸಿದ ಘಟನೆ, ಜಿಲ್ಲೆಯ ಇಂಡಿ ತಾಲೂಕಿನ ಗೋವಿಂದಪುರದಲ್ಲಿ ನಡೆದಿದೆ.

ಎರಡು ವರ್ಷದ ಹಿಂದೆ ಈ ಅಂಗನವಾಡಿಯನ್ನು ನಿರ್ಮಿಸಲಾಗಿತ್ತು. ಇಂದು ಇದ್ದಕ್ಕಿದ್ದಂತೆ ಭೂಕುಸಿತವಾಗಿ ಗೋಡೆ ಅಡುಗೆ ಮನೆಯ ಮೇಲೆ ಬಿದ್ದಿದೆ. ಈ ವೇಳೆಅಡುಗೆ ಕೋಣೆಯಲ್ಲಿ ಅಂಗನವಾಡಿ ಸಹಾಯಕಿಯೊಬ್ಬರು ಕೆಲಸ ಮಾಡುತ್ತಿದ್ದರು. ಈಕೆಗೆ ಕುಸಿತದ ಅರಿವಾಗಿ ಹೊರ ಬಂದಿದ್ದಾರೆ. ಕೂದಲೆಳೆ ಅಂತರದಲ್ಲಿ ಸಹಾಯಕಿ ಪಾರಾಗಿದ್ದಾರೆ.

ಇದು ಸುಮಾರು 8 ಅಡಿ ಎತ್ತರದ ಗೋಡೆಯಾಗಿದ್ದು, ಗೋಡೆ ಬಿದ್ದ ಪರಿಣಾಮ ಅಡುಗೆ ಕೋಣೆಯಲ್ಲಿದ್ದ ಪಾತ್ರೆ, ಪಗಡೆಗಳೆಲ್ಲ ಜಖಂ ಆಗಿವೆ. ಗುತ್ತಿಗೆದಾರನ ಕಳಪೆ ಕಾಮಗಾರಿಯೇ ಇದಕ್ಕೆ ಕಾರಣ ಎಂದು ಗ್ರಾಮಸ್ಥರು ದೂರಿದ್ದಾರೆ.