ಉಡುಪಿ:ಲೋಕಸಭಾ ಚುನಾವಣೆ ದಿನಾಂಕ ಹತ್ತಿರವಾಗುತ್ತಿದ್ದಂತೆ ಕಣ ರಂಗೇರುತ್ತಿದೆ. ಪ್ರಚಾರದ ಅಬ್ಬರ ಜಾಸ್ತಿಯಾಗುತ್ತಿದ್ದಂತೆ ಉಡುಪಿ ಚಿಕ್ಕಮಗಳೂರು ಕ್ಷೇತ್ರದಲ್ಲಿ ಕಾರ್ಯಕರ್ತರ ನಡುವೆ ‘ಕಾರ್ ವಾರ್’ ಶುರುವಾಗಿದೆ.
ಸಂಸಸ್ನಲ್ಲಿ ಪ್ರಧಾನಿ ಮೋದಿ ನಾನು ದೇಶದ ಚೌಕಿದಾರ. ಭ್ರಷ್ಟಾಚಾರ ನಡೆಯದಂತೆ, ಶತ್ರುರಾಷ್ಟ್ರಗಳಿಂದ ದೇಶವನ್ನು ಕಾವಲುಗಾರನಂತೆ ರಕ್ಷಣೆ ಮಾಡುತ್ತೇನೆ ಎಂದಿದ್ದರು. ನಂತರದ ದಿನಗಳಲ್ಲಿ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಚೌಕಿದಾರ್ ಶಬ್ದವನ್ನು ಫೋಕಸ್ ಮಾಡಿ ಮೋದಿ ವಿರುದ್ಧದ ಪ್ರಚಾರಕ್ಕೆ ಈ ಶಬ್ದ ಬಳಸಿದರು.
ಪ್ರತಿಯೊಂದು ಭಾಷಣದಲ್ಲೂ ‘ಚೌಕಿದಾರ್ ಚೋರ್ ಹೇ’ ಎಂದಿದ್ದರು. ರಫೇಲ್, ನೀರವ್ ಮೋದಿ ಗೋಲ್ಮಾಲ್, ಅದಾನಿ,ಅಂಬಾನಿ ವಿಚಾರದ ಪ್ರತಿಭಟನೆಗಳಲ್ಲಿ ಚೌಕಿದಾರ್ ಚೋರ್ ಎಂಬ ಘೋಷವಾಕ್ಯ ಬಳಸಲಾಗಿತ್ತು.
ಲೋಕಸಭಾ ಚುನಾವಣೆ ಘೋಷಣೆಯಾಗುತ್ತಿದ್ದಂತೆ ಬಿಜೆಪಿ ಇದನ್ನೇ ಅಸ್ತ್ರವಾಗಿ ಬಳಸಿ ರಾಹುಲ್ ಗಾಂಧಿಗೆ ತಿರುಗೇಟು ನೀಡಲು ಮುಂದಾಗಿದೆ. ದೇಶಾದ್ಯಂತ ‘ಮೇ ಭೀ ಚೌಕಿದಾರ್ ’ಹೆಸರಲ್ಲೇ ಅಭಿಯಾನ ನಡೆಯುತ್ತಿದೆ. ಈ ನಡುವೆ ಉಡುಪಿಯಲ್ಲಿ ಬಿಜೆಪಿ ನಾಯಕರು ‘ನಾನೂ ಚೌಕೀದಾರ’ ಎಂಬ ಸ್ಟಿಕ್ಕರ್ ಅನ್ನು ಕಾರುಗಳಿಗೆ ಅಂಟಿಸಿ ಪ್ರಚಾರ ಮಾಡುತ್ತಿದ್ದರು.
ಸ್ಟಿಕ್ಕರ್ ಕ್ಯಾಂಪೇನ್ಗೆ ಟಾಂಗ್ ನೀಡಲು ಮುಂದಾಗಿರುವ ಕಾಂಗ್ರೆಸ್ ಕಾರ್ಯಕರ್ತರು ‘ಚೌಕಿದಾರ್ ಚೋರ್ ಹೇ’ ಸ್ಟಿಕ್ಕರ್ಗಳನ್ನು ಕಾರಿಗೆ ಅಂಟಿಸಿ ಓಡಾಡುತ್ತಿದ್ದಾರೆ. ಎರಡೂ ಪಕ್ಷಗಳ ನಾಯಕರು ಸ್ಟಿಕ್ಕರ್ ಮೂಲಕ ಪ್ರಚಾರದ ಕಾವು ಹೆಚ್ಚಿಸಿದ್ದಾರೆ. ಒಟ್ಟಾರೆ ಉಡುಪಿಯಲ್ಲಿ ಈ ಕಾರ್ ವಾರ್ ಜೋರಾಗಿದೆ.
