ಕಳಪೆ ಬಿತ್ತನೆ ಬೀಜ ಪೂರೈಕೆ ಆರೋಪ, ಪರಿಹಾರಕ್ಕಾಗಿ ತಹಶಿಲ್ದಾರ್ ಮೊರೆ ಹೋದ ರೈತರು

ತುಮಕೂರು ಜಿಲ್ಲೆಯ ಪಾವಗಡ ಪಟ್ಟಣದ ಮಿಲ್​ಗಳಿಂದ ಖರೀದಿಸಿದ ಬಿತ್ತನೆ ಶೇಂಗಾ ಬೀಜ 10 ದಿನವಾದರೂ ಮೊಳಕೆ ಒಡೆಯದ ಕಾರಣ ಸೂಕ್ತ ಪರಿಹಾರ ನೀಡಲು, ರೈತರು ತಹಶಿಲ್ದಾರ್​ಗೆ ಮನವಿ ಪತ್ರ ಸಲ್ಲಿಸಿದರು.

ತುಮಕೂರು :ಪಾವಗಡ ಪಟ್ಟಣದ ಮಿಲ್​ಗಳಿಂದ ಖರೀದಿಸಿದ ಬಿತ್ತನೆ ಶೇಂಗಾ ಬೀಜ 10 ದಿನವಾದರೂ ಮೊಳಕೆ ಒಡೆಯದ ಕಾರಣ, ಸೂಕ್ತ ಪರಿಹಾರ ನೀಡಲು ಖರೀದಿಸಿದ ರೈತರು ತಹಶಿಲ್ದಾರ್​ಗೆ ಮನವಿ ಪತ್ರ ಸಲ್ಲಿಸಿದ್ದಾರೆ.

ಈ ವೇಳೆ ರೈತ ಸಂಘದ ಅಧ್ಯಕ್ಷ ನರಸಿಂಹ ರೆಡ್ಡಿ ಮಾತನಾಡಿ, ಚಿಕ್ಕಹಳ್ಳಿ ಗ್ರಾಮದ ಸುಮಾರು 11 ರೈತರು ಪಾವಗಡ ಪಟ್ಟಣದ ಬೋಮ್ಮತನಹಳ್ಳಿ ರಸ್ತೆಯ ಮಾರುತಿ ಮಿಲ್​ನಲ್ಲಿ ಬಿತ್ತನೆ ಶೇಂಗಾ ಬೀಜ ಖರೀದಿಸಿದ್ದಾರೆ.

ಆದರೆ ಹತ್ತು ದಿನಗಳ ಮೇಲಾದರು ಬೀಜ ಮೊಳಕೆ ಒಡೆಯದ ಕಾರಣ ಕಳಪೆ ಬಿತ್ತನೆ ಬೀಜ ಪೂರೈಕೆ ಮಾಡಿದ ಮಿಲ್ ಮೇಲೆ ಸೂಕ್ತ ಕ್ರಮ ಕೈಗೊಂಡು ಪರಿಹಾರ ಕೊಡಿಸಬೇಕೆಂದು ಒತ್ತಾಯಿಸಿದ್ದಾರೆ.