ಪುನೀತ್ ನಿಧನ ಹಿನ್ನೆಲೆ:‌ ಇಂದು ಮತ್ತು ನಾಳೆ ಭದ್ರಾವತಿ ಬಂದ್​​

ಡಾ.ರಾಜ್ ಕುಮಾರ್ ಅಭಿಮಾನಿ ಸಂಘ ಪುನೀತ್​ ರಾಜ್​ ಕುಮಾರ್​ ನಿಧನದ ಹಿನ್ನೆಲೆಯಲ್ಲಿ ಇಂದು ಮತ್ತು ನಾಳೆ ಭದ್ರಾವತಿ ಬಂದ್​ಗೆ ಕರೆ ನೀಡಿದೆ.

ಶಿವಮೊಗ್ಗ:ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಿಧನದ ಹಿನ್ನೆಲೆ‌ ಇಂದು ಮತ್ತು ನಾಳೆ ಭದ್ರಾವತಿ ಬಂದಿಗೆ ಡಾ.ರಾಜ್ ಕುಮಾರ್ ಅಭಿಮಾನಿ ಸಂಘ ಕರೆ ನೀಡಿದೆ.

ಇಂದು ನೆಚ್ಚಿನ ನಟನ ನಿಧನ ಸುದ್ದಿ ಕೇಳುತ್ತಿದ್ದಂತೆ ಆಘಾತಗೊಂಡಿರುವ ಅಭಿಮಾನಿಗಳು ಭದ್ರಾವತಿ ಮುಖ್ಯರಸ್ತೆಯಲ್ಲಿ ಟೈರ್​​ಗೆ ಬೆಂಕಿ ಹಚ್ಚಿ ಬೇಸರ ವ್ಯಕ್ತಪಡಿಸಿದರು. ವರ್ತಕರು ಸ್ವಯಂ ಪ್ರೇರಿತವಾಗಿ ಅಂಗಡಿ ಮುಂಗಟ್ಟು ಮುಚ್ಚಿ ಸಂತಾಪ ಸೂಚಿಸಿದರು.

ಇದರ ಜೊತೆ ಇಂದು ಮತ್ತು ನಾಳೆ ಡಾ.ರಾಜ್ ಕುಮಾರ್ ಅಭಿಮಾನಿ ಸಂಘ ಭದ್ರಾವತಿ ಬಂದ್​ಗೆ ಕರೆ ನೀಡಿದೆ.