ಶಿವಮೊಗ್ಗ:ತಂಪು ಪಾನೀಯ ಹಾಗೂ ಕುರ್ಕುರೆ ಸೇರಿದಂತೆ ಇತರೆ ರೆಡಿಫುಡ್ ಗೋದಾಮಿಗೆ ಬೆಳಗಿನ ಜಾವ ಬೆಂಕಿ ಬಿದ್ದಿರುವ ಘಟನೆ ಶಿವಮೊಗ್ಗದ ಕೆ.ಎಸ್.ಆರ್.ಟಿ.ಸಿ ಬಸ್ ನಿಲ್ದಾಣದ ಹಿಂಭಾಗ ನಡೆದಿದೆ.
ತಂಪು ಪಾನಿಯ ಗೋದಾಮಿಗೆ ಬೆಂಕಿ: ಲಕ್ಷಾಂತರ ರೂ. ಮೌಲ್ಯದ ವಸ್ತುಗಳು ಬೆಂಕಿಗಾಹುತಿ
ನಗರದ ದುರ್ವೇಶ್ ಅಸೋಸಿಯೇಷನ್ಗೆ ಇಂದು ಬೆಳಗಿನ ಜಾವ ಶಾರ್ಟ್ ಸರ್ಕ್ಯೂಟ್ನಿಂದ ಬೆಂಕಿ ಬಿದ್ದಿದ್ದು, ಲಕ್ಷಾಂತರ ರೂ. ಮೌಲ್ಯದ ವಸ್ತುಗಳು ಬೆಂಕಿಗಾಹುತಿಯಾಗಿವೆ.
ತಂಪು ಪಾನಿಯ ಗೋದಾಮಿಗೆ ಬೆಂಕಿ: ಕೋಟಿ ರೂ ಮೌಲ್ಯದ ವಸ್ತುಗಳು ಬೆಂಕಿಗಾಹುತಿ
ರಫೀಕ್ ಎಂಬುವವರಿಗೆ ಸೇರಿದ ದುರ್ವೇಶ್ ಅಸೋಸಿಯೇಷನ್ಗೆ ಇಂದು ಬೆಳಗಿನ ಜಾವ ಶಾರ್ಟ್ ಸರ್ಕ್ಯೂಟ್ನಿಂದ ಬೆಂಕಿ ಬಿದ್ದಿದೆ. ಗೋದಾಮು ಹಾಗೂ ರಿಟೇಲ್ ಅಂಗಡಿಯಾಗಿದ್ದ ದುರ್ವೇಶ್ ಅಸೋಸಿಯೇಷನ್ ಶಿವಮೊಗ್ಗ ಜಿಲ್ಲೆಗೆ ಡೀಲರ್ ಆಗಿದ್ದು, ಇಲ್ಲಿಂದಲೇ ವಿತರಣೆಯಾಗುತ್ತಿತ್ತು.
ಬೆಳಗಿನ ಜಾವ ಬೆಂಕಿ ಬೀಳುತ್ತಿದ್ದಂತೆಯೇ ಪಕ್ಕದ ಮನೆಯವರು ಫೋನ್ ಮಾಡಿ ಅಗ್ನಿಶಾಮಕ ದಳದವರಿಗೆ ತಿಳಿಸಿದ್ದಾರೆ. ತಕ್ಷಣ ಬಂದ ಅಗ್ನಿ ಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಿದ್ದಾರೆ. ವಸ್ತುಗಳು ಬೆಂಕಿಗೆ ಆಹುತಿಯಾಗಿರುವುದರಿಂದ ಎಲ್ಲಾ ನಷ್ಟ ಉಂಟಾಗಿದೆ. ಮಾಲೀಕ ರಫೀಕ್ ವಿಮೆ ಮಾಡಿಸಿದ್ದರು ಎನ್ನಲಾಗಿದೆ. ಈ ಕುರಿತು ದೊಡ್ಡಪೇಟೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.