ಪೊಲೀಸ್ ಮುಖ್ಯಪೇದೆ ಮೇಲೆ ರೌಡಿ ಶೀಟರ್​​​ನಿಂದ ಹಲ್ಲೆ

ಪೊಲೀಸ್ ಮುಖ್ಯ ಪೇದೆಯ ಮೇಲೆ ರೌಡಿ ಶೀಟರ್ ಹಲ್ಲೆ ನಡೆಸಿರುವ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ.

ಶಿವಮೊಗ್ಗ :ಕರ್ತವ್ಯದ ಮೇಲಿದ್ದ ಪೊಲೀಸ್ ಮುಖ್ಯ ಪೇದೆಯ ಮೇಲೆ ರೌಡಿ ಶೀಟರ್​ನೊಬ್ಬ ಹಲ್ಲೆ ನಡೆಸಿರುವ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ.

ಶಿವಮೊಗ್ಗ ಮಹಿಳಾ ಪೊಲೀಸ್ ಠಾಣೆಯ ಮುಖ್ಯ ಪೇದೆ ಅರುಣ್ ಹಲ್ಲೆಗೆ ಒಳಗಾದವರು. ಅರುಣ್ ನಿನ್ನೆ ರಾತ್ರಿ ಕರ್ತವ್ಯದ ಮೇಲೆ ಶಿವಮೊಗ್ಗ ಹೊರ ವಲಯ ಗಾಡಿಕೊಪ್ಪದ ಯುಟಿಪಿ ಚಾನಲ್​​​ ಬಳಿ ಹೋಗುವಾಗ ಈ ಘಟನೆ ನಡೆದಿದೆ. ರೌಡಿಶೀಟರ್​​​ ಪ್ರವೀಣ್ ಮತ್ತು ಸಂಗಡಿಗರು ಸ್ಕೂಟಿಯನ್ನು ಅಡ್ಡಾದಿಡ್ಡಿ ಓಡಿಸಿದ್ದಾರೆ. ಇದನ್ನು ಪ್ರಶ್ನೆ ಮಾಡಿದ ಪೊಲೀಸ್​​​​ ಪೇದೆ ಅರುಣ್​​​​ಗೆ ಅದನ್ನು ಕೇಳಲು ನೀನು ಯಾರು ಅಂತ ಹೇಳಿ ಬಾಟಲಿಯಲ್ಲಿ ಹಲ್ಲೆ ನಡೆಸಿದ್ದಾರೆ.

ಪೊಲೀಸ್ ಮುಖ್ಯಪೇದೆ ಮೇಲೆ ರೌಡಿ ಶೀಟರ್​​​ನಿಂದ ಹಲ್ಲೆ

ಈ ವೇಳೆ ಅರುಣ್ ಜೊತೆಗಿದ್ದವರು‌ ಬಿಡಿಸಲು ಹೋದಾಗ ಅವರ ಮೇಲೂ‌ ಹಲ್ಲೆ ನಡೆಸಿದ್ದಾರೆ. ನಂತರ ಗಸ್ತಿನಲ್ಲಿದ್ದ ಪೊಲೀಸ್ ವಾಹನ ಕಂಡು‌ ಪರಾರಿಯಾಗಿದ್ದಾರೆ. ತಕ್ಷಣ ಅರುಣ್​​ನನ್ನು ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಈ ಕುರಿತು ತುಂಗಾ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಈಗಾಗಲೇ ರೌಡಿ ಶೀಟರ್ ಪ್ರವೀಣನ ಸಹಚರರಿಬ್ಬರನ್ನು ಬಂಧಿಸಿದ್ದಾರೆ ಎನ್ನಲಾಗಿದೆ.