ರಾಯಚೂರಲ್ಲಿ ಅವಧಿ ಮೀರಿದರೂ ಕದಲದ ಜನತೆ.. ಲಾಠಿ ಹಿಡಿದು ರಸ್ತೆಗಿಳಿದ ಪೊಲೀಸರು

ಸೋಂಕು ಹರಡದಂತೆ ತಡೆಯಲು ಲಾಕ್​ಡೌನ್ ನಿಯಮ ಹೇರಿದ್ದರೂ ಜನತೆ ಮಾತ್ರ ಭಯವಿಲ್ಲದೆ ಓಡಾಡುತ್ತಿದ್ದಾರೆ. ಈ ಹಿನ್ನೆಲೆ ನಗರದ ಪ್ರಮುಖ ರಸ್ತೆಯಲ್ಲಿ ಪೊಲೀಸರು ಲಾಠಿ ಹಿಡಿದು ಜನರನ್ನು ಮನೆಗೆ ಕಳುಹಿಸುತ್ತಿರುವುದು ಕಂಡುಬರುತ್ತಿದೆ.

ರಾಯಚೂರು:ಕೊರೊನಾ ನಿಯಂತ್ರಣಕ್ಕಾಗಿ ರಾಯಚೂರಲ್ಲಿ ಲಾಕ್​​ಡೌನ್​ ಮುಂದುವರಿಸಿದ್ದು, ಮಧ್ಯಾಹ್ನ 12ಗಂಟೆಯವರೆಗೆ ಕಾಲಮಿತಿ ನೀಡಲಾಗಿದೆ. ಆದರೆ ನಗರದಲ್ಲಿ 12 ಗಂಟೆ ನಂತರವೂ ಅಲ್ಲಲ್ಲಿ ಜನ ಓಡಾಡುವುದು ಕಂಡುಬಂದ ಹಿನ್ನೆಲೆ ಪೊಲೀಸರು ಜನರನ್ನು ಚದುರಿಸಲು ಮುಂದಾಗಿದ್ದಾರೆ.

ಈ ನಡುವೆ ನಗರದ ಸದರ್‌ ಬಜಾರ್ ಬಳಿ ವ್ಯಕ್ತಿವೋರ್ವ ಪೊಲೀಸರೊಂದಿಗೆ ಮಾತಿನ ಚಕಮಕಿ ನಡೆಸಿರುವುದು ಸಹ ಕಂಡುಬಂದಿದೆ. ವೈದ್ಯ ಎಂದು ಹೇಳಿಕೊಂಡ ವ್ಯಕ್ತಿ ಐಟಿ ಕಾರ್ಡ್ ತೋರಿಸು ಎಂದಾಗ ಪೊಲೀಸರೊಂದಿಗೆ ಮಾತಿಗಿಳಿದಿದ್ದ. ಅಲ್ಲದೆ ವೈದ್ಯಕೀಯ ಗುತುತಿನ ಚೀಟಿಯ ಬದಲು ಆಧಾರ್ ಕಾರ್ಡ್​, ಪ್ಯಾನ್ ಕಾರ್ಟ್ ತೋರಿಸಿ ಪೊಲೀಸರೊಂದಿಗೆ ಕಿರಿಕ್ ಮಾಡಿಕೊಂಡ.

ಬಳಿಕ ಆತನ ಬೈಕ್ ಸೀಜ್ ಮಾಡಿದ ಪೊಲೀಸರು ಸರಿಯಾದ ಗುರುತಿನ ಚೀಟಿ ತೋರಿಸಿ ಬೈಕ್ ತೆಗೆದುಕೊಂಡು ಹೋಗುವಂತೆ ತಿಳಿಸಿದ್ದಾರೆ. ಇತ್ತ ಮಾರುಕಟ್ಟೆಯಲ್ಲಿ ಸಮಯ ಮುಗಿದಿದ್ದರೂ ಕೆಲವರು ಓಡಾಡುತ್ತಿದ್ದದನ್ನು ಕಂಡ ಪೊಲೀಸರು ಲಾಠಿ ಬೀಸಿ ಚದುರಿಸಿದ್ದಾರೆ.

ಇದನ್ನೂ ಓದಿ:ಪೊಲೀಸರ ವಿರುದ್ಧ ಎಫ್ಐಆರ್ ಕೋರಿ ಹೈಕೋರ್ಟ್​ಗೆ ಪಿಐಎಲ್: ಅರ್ಜಿ ವಜಾ, ವಕೀಲನಿಗೆ ದಂಡ