ಬೈಕ್ ಸೈಡ್ ಬ್ಯಾಗ್​​ನಲ್ಲಿದ್ದ 2 ಲಕ್ಷ ಹಣ ಹೊತ್ತೊಯ್ದ ಖದೀಮರು

ಬೈಕ್‌ನ ಸೈಡ್ ಬ್ಯಾಗ್​​ನಲ್ಲಿ ಇಟ್ಟಿದ ಹಣ ದೋಚಿ ಪರಾರಿಯಾಗಿರುವ ಘಟನೆ ರಾಯಚೂರಿನಲ್ಲಿ ನಡೆದಿದೆ.

ರಾಯಚೂರು:ಬೈಕ್ ಸೈಡ್ ಬ್ಯಾಗ್​​ನಲ್ಲಿ ಇಟ್ಟಿದ ಸುಮಾರು 2 ಲಕ್ಷ ರೂ.ಗಳನ್ನು ದೋಚಿ ಪರಾರಿಯಾಗಿರುವ ಘಟನೆ ಜಿಲ್ಲೆಯ ಸಿಂಧನೂರು ಪಟ್ಟಣದ ಸುಕಲಾಪೇಟೆಯಲ್ಲಿ ನಡೆದಿದೆ.

ವ್ಯಕ್ತಿಯೋರ್ವರು ಅಂಗಡಿಗೆ ಸಲಕರಣೆ ತೆಗೆದುಕೊಂಡು ಬರಲು ಹೋಗಿದ್ದಾನೆ. ಆಗ ತನ್ನ ಕೈಯಲ್ಲಿದ್ದ ಅಂದಾಜು 2 ಲಕ್ಷ ಹಣವನ್ನು ಬೈಕ್ ಸೈಡ್ ಬ್ಯಾಗ್​​ನಲ್ಲಿ ಇಟ್ಟಿದ್ದಾನೆ. ಹಣ ತೆಗೆದುಕೊಂಡು ಬಂದಿರುವುದನ್ನು ಆರಂಭದಿಂದಲೂ ಗಮನಿಸಿದ ಖದೀಮರು ವ್ಯಕ್ತಿ ಅಂಗಡಿಗೆ ತೆರಳಿದಾಗ ಬೈಕ್​​ನಲ್ಲಿ ಬಂದು ಹಣವನ್ನು ದೋಚಿದ್ದಾರೆ.

ಇದನ್ನು ನೋಡಿದ ವ್ಯಕ್ತಿ ತನ್ನ ಬೈಕ್ ತೆಗೆದುಕೊಂಡು ಅವರನ್ನು ಹಿಂಬಾಲಿಸಿದ್ದಾನೆ. ಈ ದೃಶ್ಯ ಸಿಸಿ ಕ್ಯಾಮರದಲ್ಲಿ ಸೆರೆಯಾಗಿದೆ. ಹಣ ಕಳೆದುಕೊಂಡ ವ್ಯಕ್ತಿ ರೈತನಾಗಿದ್ದು, ಭತ್ತ ಮಾರಾಟದಿಂದ ಬಂದ ಹಣವೆಂದು ಹೇಳಲಾಗುತ್ತಿದೆ.

ಘಟನೆ ಕುರಿತು ಸಿಂಧನೂರು ನಗರ ಠಾಣೆಗೆ ಮಾಹಿತಿ ನೀಡಲಾಗಿದ್ದು, ಪ್ರಕರಣ ದಾಖಲಾಗಿಲ್ಲ. ಆದರೆ ಪ್ರಕರಣ ಸಂಬಂಧ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.