ಕಲ್ಯಾಣ ಮಂಟಪದಲ್ಲಿ ಕಿಟ್ ಪತ್ತೆ ಬಗ್ಗೆ ಶಾಸಕ ಹರ್ಷವರ್ಧನ್ ಹೇಳಿದ್ದೇನು?

‌ಜುಬಿಲಂಟ್​ ಕಾರ್ಖಾನೆಗೆ ಸಂಬಂಧಿಸಿದ ಆಹಾರ ಕಿಟ್ ಪತ್ತೆಯಾದ ಬಗ್ಗೆ ಶಾಸಕ ಹರ್ಷವರ್ಧನ್ ಪ್ರತಿಕ್ರಿಯಿಸಿದ್ದಾರೆ. ನಂಜನಗೂಡಿನ ಬಿಜೆಪಿ ಅಧ್ಯಕ್ಷರ ಕಲ್ಯಾಣ ಮಂಟಪದಲ್ಲಿ ಎರಡು ಮೂರು ತಿಂಗಳಿನಿಂದ ಆಹಾರ ಕಿಟ್ ವಿತರಿಸಲು ಇಲ್ಲೇ ಗೋಡೌನ್ ಮಾಡಿಕೊಂಡಿದ್ದೇವೆ. ಜುಬಿಲಂಟ್​​ನಿಂದ ಬರುವ 200 ರಿಂದ 1000 ಕಿಟ್​ಗಳನ್ನು ಈ ಕಲ್ಯಾಣ ಮಂಟಪದಲ್ಲಯೇ ಇಟ್ಟು ವಿತರಣೆ ಮಾಡುತ್ತೇವೆ ಎಂದಿದ್ದಾರೆ.

ಮೈಸೂರು: ನಂಜನಗೂಡಿನ ಬಿಜೆಪಿ ಅಧ್ಯಕ್ಷರಿಗೆ ಸೇರಿದ ಕಲ್ಯಾಣ ಮಟಂಪದಲ್ಲಿ‌ ಜುಬಿಲಂಟ್​ ಕಾರ್ಖಾನೆಗೆ ಸಂಬಂಧಿಸಿದ ಆಹಾರ ಕಿಟ್ ಪತ್ತೆಯಾದ ಬಗ್ಗೆ ಶಾಸಕ ಹರ್ಷವರ್ಧನ್ ಪ್ರತಿಕ್ರಿಯಿಸಿದ್ದಾರೆ.

ನಂಜನಗೂಡಿನ ಕಲ್ಯಾಣ ಮಂಟಪದಲ್ಲಿ ಎರಡು ಮೂರು ತಿಂಗಳಿನಿಂದ ಆಹಾರ ಕಿಟ್ ವಿತರಿಸಲು ಇಲ್ಲೇ ಗೋಡೌನ್ ಮಾಡಿಕೊಂಡಿದ್ದೇವೆ. ಜುಬಿಲಂಟ್​ನಿಂದ ಬರುವ 200 ರಿಂದ 1000 ಕಿಟ್​ಗಳನ್ನು ಈ ಕಲ್ಯಾಣ ಮಂಟಪದಲ್ಲಯೇ ಇಟ್ಟು ವಿತರಣೆ ಮಾಡುತ್ತೇವೆ. ಈಗಾಗಲೇ 3 ಜಿಲ್ಲಾ ಪಂಚಾಯತ್​ ವ್ಯಾಪ್ತಿಯಲ್ಲಿ ಕಿಟ್ ವಿತರಿಸಿದ್ದು, ಇನ್ನೆರಡು ಜಿಲ್ಲಾ ಪಂಚಾಯತ್​ ಕ್ಷೇತ್ರಗಳ ವ್ಯಾಪ್ತಿಗೆ ಕಿಟ್ ವಿತರಿಸಬೇಕು. ಆನಂತರ ನಂಜನಗೂಡು ಪಟ್ಟಣಕ್ಕೆ ಕಿಟ್ ವಿತರಿಸುತ್ತೇವೆ. ಈ ಉದ್ದೇಶದಿಂದ ಜುಬಿಲಂಟ್​ನಿಂದ ಬಂದ ಕಿಟ್​ಗಳನ್ನು ಈ ಕಲ್ಯಾಣ ಮಂಟಪದಲ್ಲಿ ಇರಿಸಿದ್ದೇನೆ. ತಾಲೂಕು ಪಂಚಾಯತ್​, ಮಿನಿ ವಿಧಾನಸೌಧ ಅಥವಾ ಸರ್ಕಾರಿ ಕಚೇರಿಯಲ್ಲಿ ಇಡಲು ಸರಿಯಲ್ಲ ಎಂಬ ಉದ್ದೇಶದಿಂದ ನಾನೇ ಈ ಕಲ್ಯಾಣ ಮಂಟಪದಲ್ಲಿ ಕಿಟ್​ಗಳನ್ನು ಇರಿಸಿದ್ದೇನೆ. ಇದರಲ್ಲಿ ಅವ್ಯವಹಾರ ಏನು ಇಲ್ಲವೆಂದು ಶಾಸಕ ಹರ್ಷವರ್ಧನ್​ ಸ್ಪಷ್ಟಪಡಿಸಿದ್ದಾರೆ.

ಜುಬಿಲಂಟ್​ನಿಂದ ನಂಜನಗೂಡು ತಾಲೂಕಿಗೆ ಒಟ್ಟು 50,000 ಆಹಾರ ಕಿಟ್ ವಿತರಿಸಲು ತೀರ್ಮಾನಿಸಲಾಗಿದೆ. ಅದರಲ್ಲಿ 5,000 ಕಿಟ್​ಗಳನ್ನು ಮೈಸೂರಿನ ಆಶಾ ಕಾರ್ಯಕರ್ತರಿಗೆ ವಿತರಿಸಿದ್ದು, ಉಳಿದ ಕಿಟ್​ಗಳನ್ನು ನಂಜನಗೂಡು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ 238 ಬೂತ್​ಗಳಿಗೆ ಒಂದೊಂದು ಬೂತ್​ಗೆ 200 ಕಿಟ್ ರೀತಿಯಲ್ಲಿ ವಿತರಿಸಲಾಗುವುದು ಎಂದು ಅವರು ತಿಳಿಸಿದರು.