ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಕಪ್ಪು ಚಿರತೆಯ ಹಳೆ ಫೋಟೋ..

ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನದ ವ್ಯಾಪ್ತಿಯ ಕಬಿನಿ ಹಿನ್ನೀರಿನಲ್ಲಿ ಕಪ್ಪು ಚಿರತೆಯೊಂದು ಕಳೆದ 2 ವರ್ಷಗಳಿಂದ ಓಡಾಡುತ್ತಿದ್ದು, ಇದರ ಫೋಟೋವನ್ನು ಸಫಾರಿಗೆ ಬರುವ ಹವ್ಯಾಸಿ ಛಾಯಾಗ್ರಾಹಕರು ತೆಗೆದಿದ್ದು, ಇದೀಗ ಈ ಹಳೆ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಮೈಸೂರು : ಹೆಚ್ ಡಿ ಕೋಟೆ ತಾಲೂಕಿನ ಕಬಿನಿ ಹಿನ್ನೀರಿನಲ್ಲಿ ಕಪ್ಪು ಚಿರತೆಯ ಹಳೆ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನದ ವ್ಯಾಪ್ತಿಯ ಕಬಿನಿ ಹಿನ್ನೀರಿನಲ್ಲಿ ಕಪ್ಪು ಚಿರತೆಯೊಂದು ಕಳೆದ 2 ವರ್ಷಗಳಿಂದ ಓಡಾಡುತ್ತಿದೆ. ಸಫಾರಿಗೆ ಬರುವ ಹವ್ಯಾಸಿ ಛಾಯಾಗ್ರಾಹಕರು ಇದರ ಸಾವಿರಾರು ಫೋಟೋಗಳನ್ನು ತೆಗೆದಿದ್ದಾರೆ. ಈ ಹಳೆ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕಪ್ಪು ಚಿರತೆ

ಈ ಕಪ್ಪು ಚಿರತೆ ವಂಶವಾಹಿಯ ವ್ಯತ್ಯಾಸದಿಂದ ಈ ರೀತಿ ಕಪ್ಪು ಬಣ್ಣವಾಗಿ ಜನಿಸಿದ್ದು, ಈ ಕಪ್ಪು ಗಂಡು ಚಿರತೆ ಸಾಮಾನ್ಯ ಚಿರತೆಗಳ ಜೊತೆ ಕಾದಾಟದ, ಮಿಲನದ ಫೋಟೋಗಳು, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ ಎಂದು ಪಶು ವೈದ್ಯ ಡಾ.ನಾಗರಾಜ್ ಈಟಿವಿ ಭಾರತಕ್ಕೆ ದೂರವಾಣಿಯಲ್ಲಿ ತಿಳಿಸಿದರು.