ಮೈಸೂರು :ದೊಣ್ಣೆಯಿಂದ ಹೊಡೆದು ತಂದೆಯೇ ಮಗನ ಕೊಲೆ ಮಾಡಿರುವ ಘಟನೆ ಸರಗೂರು ತಾಲೂಕಿನ ಹಾದನೂರು ಗ್ರಾಮದಲ್ಲಿ ನಡೆದಿದೆ. ಕೊಲೆ ಮಾಡಿದ ಆರೋಪಿಯನ್ನು ಪೊಲೀಸರು ತಮ್ಮ ವಶಕ್ಕೆ ಪಡೆದಿದ್ದಾರೆ.
ಸ್ವಾಮಿ ಅಲಿಯಾಸ್ ಚಲುವರಾಜು ಎಂಬಾತ ಮೃತ ದುರ್ದೈವಿ. ಮತೃನ ತಂದೆ ಸಿದ್ದರಾಜು ಎಂಬಾತ ಕೊಲೆ ಆರೋಪಿ. ಘಟನೆಗೆ ಇನ್ನೂ ಕಾರಣ ತಿಳಿದು ಬಂದಿಲ್ಲ. ಗುರುವಾರ ರಾತ್ರಿ ಕೊಲೆಯಾಗಿರುವ ಶಂಕೆ ವ್ಯಕ್ತವಾಗಿದೆ.
ಕೊಲೆ ಮಾಡಿ ಮನೆಯಲ್ಲಿ ಮೃತದೇಹ ಇರಿಸಿ ಜಮೀನಿಗೆ ತೆರಳಿ ಕೃಷಿ ಚಟುವಟಿಕೆಯಲ್ಲಿ ಆರೋಪಿ ತೊಡಗಿದ್ದ. ನೆರೆಹೊರೆಯವರ ಅನುಮಾನದಿಂದ ಪ್ರಕರಣ ಬೆಳಕಿಗೆ ಬಂದಿದೆ.
ಸರಗೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಮೃತದೇಹವನ್ನ ಹೆಚ್ ಡಿ ಕೋಟೆ ಸರ್ಕಾರಿ ಆಸ್ಪತ್ರೆ ಶವಾಗಾರಕ್ಕೆ ಸ್ಥಳಾಂತರ ಮಾಡಲಾಗಿದೆ.
ಇದನ್ನೂ ಓದಿ : ವಿವಾಹ - ವಿಚ್ಛೇದನ - ಮರು ಮದುವೆ: ಕೊನೆಗೂ ಹೆಂಡತಿಯನ್ನ ಕೊಂದು ಪೊಲೀಸ್ ಠಾಣೆಗೆ ರುಂಡ ತಂದ ಪತಿ