ಗಂಗಾವತಿ: ಕೊರೊನಾ ತಡೆಗೆ ಉಚಿತ ಮಾಸ್ಕ್, ಔಷಧಿ ವಿತರಣೆ

ಜಿಲ್ಲೆಯಲ್ಲಿ ಕೊರೊನಾ ವ್ಯಾಪಕವಾಗಿ ಹೆಚ್ಚಾಗುತ್ತಿದ್ದು, ನಗರಸಭೆ ಸದಸ್ಯ ಮನಿಯಾರ ಜಿಲ್ಲಾಡಳಿತದ ನೇತೃತ್ವದ ಕೊರೊನಾ ಮುಕ್ತ ಕೊಪ್ಪಳ ಅಭಿಯಾನಕ್ಕೆ ಬೆಂಬಲಿಸಿದರು

ಗಂಗಾವತಿ: ಜಿಲ್ಲೆಯಲ್ಲಿ ಕೊರೊನಾ ವ್ಯಾಪಕ ಪ್ರಮಾಣದಲ್ಲಿ ಹರಡುತ್ತಿರುವ ಹಿನ್ನೆಲೆ ನಿಯಂತ್ರಣಕ್ಕೆ ಜಿಲ್ಲಾಡಳಿತದೊಂದಿಗೆ ಕೈಜೋಡಿಸುವ ನಿಟ್ಟಿನಲ್ಲಿ ನಗರಸಭೆ ಸದಸ್ಯ ಶಾಮೀದ ಮನಿಯಾರ 22ನೇ ವಾರ್ಡ್​ನ ಜನರಿಗೆ ಉಚಿತ ಔಷಧಿ ಮತ್ತು ಮಾಸ್ಕ್ ವಿತರಿಸಿದರು.

ಕೊರೊನಾ ಮುಕ್ತ ಕೊಪ್ಪಳ ಜಿಲ್ಲೆ ಅಭಿಯಾನದ ಅಂಗವಾಗಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮ ಇದಾಗಿತ್ತು. ಕೊಪ್ಪಳ ಗವಿಮಠದ ಶ್ರೀಗಳು ಮತ್ತು ಜಿಲ್ಲಾಧಿಕಾರಿ ನೇತೃತ್ವದಲ್ಲಿ ಉಚಿತವಾಗಿ ಮಾಸ್ಕ್, ಔಷಧಿ ವಿತರಿಸಲಾಯಿತು.

ವಾರ್ಡ್​ನ ಸುಮಾರು 800 ಜನರಿಗೆ ಉಚಿತವಾಗಿ ರೋಗ ನಿರೋಧ ಶಕ್ತಿ ಹೆಚ್ಚಿಸುವ ಮಾತ್ರೆಗಳನ್ನು ನೀಡಲಾಗಿದೆ. ಜನ ಇದರ ಸದುಪಯೋಗ ಪಡೆದುಕೊಳ್ಳಬೇಕು. ಈ ಮೂಲಕ ಕೊರೊನಾ ಮುಕ್ತವಾಗಿಸಲು ಸಹಕಾರ ನೀಡಬೇಕು ಎಂದು ಸದಸ್ಯ ಮನಿಯಾರ್ ಮನವಿ ಮಾಡಿದರು.