ಆಶಾ ಕಾರ್ಯಕರ್ತೆಯರು, ಹೋಂ ಗಾರ್ಡ್​ಗಳಿಗೆ ಉದ್ಯಮಿಯಿಂದ ದಿನಸಿ ಕಿಟ್​ ವಿತರಣೆ

ಕೊಪ್ಪಳದ ಉದ್ಯಮಿ ಕೆ.ಶ್ರೀನಿವಾಸ ಗುಪ್ತಾ, ಆಶಾ ಕಾರ್ಯಕರ್ತೆಯರು ಹಾಗೂ ಹೋಂ ಗಾರ್ಡ್​ಗಳಿಗೆ ದಿನಸಿ ಕಿಟ್​ಗಳನ್ನು ವಿತರಿಸಿದರು.

ಕೊಪ್ಪಳ: ಆಶಾ ಕಾರ್ಯಕರ್ತೆಯರು ಹಾಗೂ ಹೋಂ ಗಾರ್ಡ್​ಗಳಿಗೆ ಭಾಗ್ಯ ನಗರದ ಉದ್ಯಮಿ ಕೆ.ಶ್ರೀನಿವಾಸ ಗುಪ್ತಾ, ಆಹಾರ ಪದಾರ್ಥಗಳ ಕಿಟ್​ಗಳನ್ನು ವಿತರಿಸಿದರು.

ಲಾಕ್​ಡೌನ್​ ಹಿನ್ನೆಲೆ ಕೆಲಸ ನಿರ್ವಹಿಸುತ್ತಿರುವ ಈ ಸಿಬ್ಬಂದಿಗೆ ಕಿಟ್​ ವಿತರಿಸಿದ್ದಾರೆ. ಸುಮಾರು 400 ರೂಪಾಯಿ ಮೌಲ್ಯದ ಆಹಾರ ಸಾಮಗ್ರಿಗಳು ಕಿಟ್​​ನಲ್ಲಿದ್ದು, 19 ಆಶಾ ಕಾರ್ಯಕರ್ತೆಯರು ಹಾಗೂ 160 ಗೃಹರಕ್ಷಕ ದಳದ ಸಿಬ್ಬಂದಿಗೆ ಇಂದು ವಿತರಿಸಿದರು. ಇನ್ನು ತಮ್ಮ ಸಂಸ್ಕರಣಾ ಘಟಕದಲ್ಲಿ ಕೆಲಸ ಮಾಡುತ್ತಿದ್ದ ಸುಮಾರು 400 ಕಾರ್ಮಿಕರಿಗೂ ಗುಪ್ತಾ ಅವರು ಈಗಾಗಲೇ ಆಹಾರ ಪದಾರ್ಥಗಳ ಕಿಟ್ ವಿತರಿಸಿದ್ದಾರೆ.