ಅಪ್ಪನಿಂದಲೇ ತಾಯಿಯಾದ ಮಗಳು: ಹಸುಗೂಸನ್ನು ಅನಾಥವಾಗಿಸಿದ ಹೆತ್ತಮ್ಮ!

ತಾನು ಜನ್ಮ ಕೊಟ್ಟ ಮಗಳ ಮೇಲೆ ಕೀಚಕ ತಂದೆಯೊಬ್ಬ ನಿರಂತರ ಅತ್ಯಾಚಾರ ಎಸೆಗಿದ್ದನು. ಈಗ ಆಕೆ ಮಗುವಿಗೆ ಜನ್ಮ ನೀಡಿದ್ದು, ಆ ಹಸುಳೆಯನ್ನ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಗೆ ಹಸ್ತಾಂತರಿಸಿದ್ದಾರೆ.

ಗಂಗಾವತಿ (ಕೊಪ್ಪಳ):ತಂದೆಯಿಂದಲೇ ಹುಟ್ಟಿದ ಮಗುವನ್ನು ಮಗಳು ಮತ್ತು ಆಕೆಯ ಕುಟುಂಬಸ್ಥರು ಸ್ವೀಕರಿಸಲು ನಿರಾಕರಿಸಿದ್ದು, ಈಗ ಆ ಮಗುವನ್ನು ಮಕ್ಕಳ ಕಲ್ಯಾಣ ಸಮಿತಿಯ ಸದಸ್ಯರಿಗೆ ಹಸ್ತಾಂತರಿಸಿರುವ ಘಟನೆ ಕೊಪ್ಪಳ ಜಿಲ್ಲೆಯ ಗಂಗಾವತಿಯಲ್ಲಿ ನಡೆದಿದೆ.

ಕೀಚಕ ತಂದೆಯಿಂದ ತಾಯಿಯಾದ ಬಾಲಕಿ ಗಂಡು ಮಗುವಿಗೆ ಜನ್ಮ ನೀಡಿದ್ದಾಳೆ. ಮಗುವನ್ನು ಸಾಕಿ ಬೆಳೆಸುವಲ್ಲಿ ಮಗುವಿನ ತಾಯಿ ಮತ್ತು ಅಜ್ಜಿ ನಿರಾಕರಿಸಿದ್ದು, ಆ ಕಂದನನ್ನು ಮಕ್ಕಳ ಕಲ್ಯಾಣ ಸಮಿತಿಯ ಸದಸ್ಯರಿಗೆ ಹಸ್ತಾಂತರಿಸಿದ್ದಾರೆ.

ಇನ್ನು ಮಗುವನ್ನು ಕೊಪ್ಪಳದ ಬಾಲ ಮಂದಿರದಲ್ಲಿ ಇರಿಸಿ ಲಾಲನೆ - ಪಾಲನೆ ಮಾಡಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ನನ್ನ ಪತಿಯ ಅತ್ಯಾಚಾರದಿಂದಾಗಿಯೇ ನನ್ನ ಮಗಳು ಗರ್ಭವತಿಯಾಗಿದ್ದು, ಸಮಾಜ ಮತ್ತು ಸಂಬಂಧಕ್ಕೆ ಹೆದರಿ ಈ ನಿರ್ಧಾರ ಮಾಡಲಾಗಿದೆ ಎಂದು ಬಾಣಂತಿಯ ತಾಯಿ ತಿಳಿಸಿದ್ದಾರೆ.