ಕಲಬುರಗಿ: ದೇವಲಗಾಣಗಾಪುರದ ಶ್ರೀ ದತ್ತಾತ್ರೇಯ ದೇಗುಲದ ಹೆಸರಿನಲ್ಲಿ ನಕಲಿ/ಅನಧಿಕೃತ ವೆಬ್ಸೈಟ್ ಸೃಷ್ಟಿಸಿ ಹಣ ಹೊಡೆದ ಆರೋಪದಡಿ ದೇವಸ್ಥಾನದ ಐವರು ಅರ್ಚಕರ ವಿರುದ್ಧ ದೇವಲಗಾಣಗಾಪುರ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಿಸಲಾಗಿದೆ. ಅರ್ಚಕರಾದ ವಲ್ಲಭ ದಿನಕರ್ ಭಟ್, ಅಂಕೂರ್ ಪೂಜಾರಿ, ಪ್ರತೀಕ್ ಪೂಜಾರಿ, ಗಂಗಾಧರ್ ಪೂಜಾರಿ, ಶರತ್ ಭಟ್ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
ಅರ್ಚಕರ ವಿರುದ್ಧ ಎಫ್ಐಆರ್-ಡಿಸಿ, ಎಸ್ಪಿ ಮಾಹಿತಿ ನೀಡಿರುವುದು..
ದೇವಸ್ಥಾನದ ಅಧಿಕೃತ ವೆಬ್ಸೈಟ್ www.devalgangapur.com ಹೊರತುಪಡಿಸಿ ಎಂಟು ನಕಲಿ ವೆಬ್‌ಸೈಟ್‌ಗಳನ್ನು ಇವರು ಕ್ರಿಯೇಟ್ ಮಾಡಿದ್ದರು. ವೆಬ್ಸೈಟ್ ಮೂಲಕ ದೇವಸ್ಥಾನದ ಹುಂಡಿಗೆ ಬರುವ ಕಾಣಿಕೆಯನ್ನು ತಮ್ಮ ಜೇಬಿಗೆ ತುಂಬಿಸಿಕೊಂಡಿದ್ರು. ದೇಗುಲಕ್ಕೆ ಡಿಸಿ ಯಶವಂತ ಗುರುಕರ್ ಅವರು ಭೇಟಿ ನೀಡಿದ್ದ ವೇಳೆ ಅರ್ಚಕರ ಕಳ್ಳಾಟ ಬಯಲಾಗಿತ್ತು.