ಹಾವೇರಿ :ಪತ್ನಿಯ ಅನೈತಿಕ ಸಂಬಂಧದಿಂದ ಬೇಸತ್ತ ಪತಿರಾಯ ಬಾಮೈದನ ಜೊತೆಗೂಡಿ ಹೆಂಡತಿಯನ್ನು ಕೊಲೆ ಮಾಡಿ ಸುಟ್ಟು ಹಾಕಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಕೊಲೆ ಪ್ರಕರಣದ ಬಗ್ಗೆ ಮಾಹಿತಿ ನೀಡಿದ ಹಾವೇರಿ ಎಸ್ಪಿ
ಕೊಲೆಯಾದ ಮಹಿಳೆಯನ್ನು ಕೆರಿಕೊಪ್ಪ ಗ್ರಾಮದ ಶಕುಂತಲಾ (35) ಎಂದು ಗುರುತಿಸಲಾಗಿದೆ. ಕೆರಿಕೊಪ್ಪ ಹನುಮಂತಪ್ಪ ಕೊಲೆಗೈದ ಪತಿಯಾಗಿದ್ದಾನೆ. ಕಳೆದ 15 ವರ್ಷಗಳ ಹಿಂದೆ ಹಿರೇಕೆರೂರು ತಾಲೂಕಿನ ಚಿನ್ನಮುಳಗುಂದ ಗ್ರಾಮದ ಶಕುಂತಲಾಳನ್ನು ಕೆರಿಕೊಪ್ಪ ಹನುಮಂತಪ್ಪ ಎಂಬುವರು ಮದುವೆಯಾಗಿದ್ದರು. ಇವರಿಗೆ ಇಬ್ಬರು ಮಕ್ಕಳಿದ್ದಾರೆ. ಆದರೂ ಶಕುಂತಲಾ ಪರ ಪುರುಷನ ಜೊತೆ ಅಕ್ರಮ ಸಂಬಂಧ ಹೊಂದಿದ್ದಳು ಎಂದು ಪತಿ ಆರೋಪಿಸಿದ್ದಾರೆ.