ಅಯೋಧ್ಯೆ ವಿವಾದ: ತೀರ್ಪು ಏನೇ ಬಂದರೂ ಸ್ವಾಗತಿಸೋಣವೆಂದ ಮುತಾಲಿಕ್​​

ಅಯೋಧ್ಯ ತೀರ್ಪು ರಾಮಮಂದಿರ ಪರ ಬಂದ್ರೆ ದೇಶದ ಪ್ರತಿ ಹಳ್ಳಿಗಳ ದೇವಸ್ಥಾನಗಳಲ್ಲಿ ಪೂಜೆ ಮಾಡಬೇಕು ಎಂದು ಶ್ರೀರಾಮಸೇನೆಯ ಮುಖ್ಯಸ್ಥ ಪ್ರಮೋದ ಮುತಾಲಿಕ್​​ ಕರೆ ನೀಡಿದ್ದಾರೆ.

ರಾಣೆಬೆನ್ನೂರು:ಸುಪ್ರೀಂ ಕೋರ್ಟ್​​ನಲ್ಲಿರುವ ಅಯೋಧ್ಯೆ ವಿವಾದ ಕುರಿತ ತೀರ್ಪು ಶ್ರೀರಾಮಮಂದಿರ ಪರ ಬಂದರೆ ಎಲ್ಲ ದೇವಸ್ಥಾನಗಳಲ್ಲಿ ಶ್ರೀರಾಮಸೇನೆ ಪೂಜೆ ನೆರವೇರಿಸಲಾಗುವುದು ಎಂದು ಶ್ರೀರಾಮಸೇನೆಯ ಮುಖ್ಯಸ್ಥ ಪ್ರಮೋದ ಮುತಾಲಿಕ್​​ ಹೇಳಿದ್ದಾರೆ.

ನಗರದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, 40 ದಿನಗಳವರೆಗೆ ಸುಪ್ರೀಂಕೋರ್ಟ್​​ನಲ್ಲಿ ಅಯೋಧ್ಯೆ ವಿವಾದದ ವಿಚಾರಣೆ ನಡೆದಿದೆ. ಇದೇ ತಿಂಗಳು ತೀರ್ಪು ಬರಲಿದ್ದು, ತೀರ್ಪು ಬಂದ ದಿನ ಹಿಂದೂಗಳು ಪ್ರತಿ ಹಳ್ಳಿಗಳ ದೇವಸ್ಥಾನದಲ್ಲಿ ಪೂಜೆ ನೆರವೇರಿಸಬೇಕು ಎಂದು ಕರೆ ನೀಡಿದರು.

ಅಲ್ಲದೆ ಭಾರತದಲ್ಲಿರುವ ಮುಸ್ಲಿಂ ಬಂಧುಗಳು ಬಾಬರನ ವಂಶಜರಲ್ಲ, ಅವರು ಭಾರತೀಯ​​ ಮುಸ್ಲಿಮರು. ಅಯೋಧ್ಯೆ ನಿರ್ಣಯ ಏನೇ ಬಂದರೂ ಅದನ್ನು ಸ್ವೀಕರಿಸುವ ಮನಸ್ಸು ಹೊಂದಬೇಕು ಎಂದು ಮುತಾಲಿಕ್​ ಹೇಳಿದರು.