ಮಲೆನಾಡ ಬೆಡಗಿ ನಮ್ರತಾರನ್ನು ವರಿಸಿದ ಕಿರುತೆರೆ ನಟ ಮಧು ಹೆಗಡೆ

ಹಾಸನದ ಶಂಕರಮಠದಲ್ಲಿ ಸರಳ ಮದುವೆ ಸಮಾರಂಭದಲ್ಲಿ ವಾಸುದೇವ ಶರ್ಮಾರ ಮಗಳು ನಮ್ರತಾರನ್ನು ಕಿರುತೆರೆಯ ಬಹುಬೇಡಿಕೆಯ ನಟ ಮಧು ಹೆಗಡೆ ವರಿಸಿದರು.

ಹಾಸನ:ಕಿರುತೆರೆಯ ಬಹುಬೇಡಿಕೆಯ ನಟ ಮಧು ಹೆಗಡೆ,ಮಲೆನಾಡಿನ ಹುಡುಗಿ ನಮ್ರತಾರೊಂದಿಗೆ ಗೃಹಸ್ಥಾಶ್ರಮಕ್ಕೆ ಕಾಲಿಟ್ಟರು. ಹಾಸನದ ಶಂಕರ ಮಠದಲ್ಲಿನ ಶೃಂಗೇರಿ ಶಾರದಾಂಬೆ ಸನ್ನಿಧಿಯಲ್ಲಿ ಮಾಂಗಲ್ಯಧಾರಣೆ ಮಾಡುವ ಮೂಲಕ ಹೊಸ ಜೀವನ ಶುರು ಮಾಡಿದರು.

ಕಿರುತೆರೆ ಬಹುಬೇಡಿಕೆಯ ನಟನಾಗಿರುವ ಮಧು ಹೆಗಡೆ ಪಲ್ಲವಿ-ಅನುಪಲ್ಲವಿ, ಮನ್ವಂತರ, ಜೋಗುಳ, ಗೆಜ್ಜೆಪೂಜೆ, ಸೇರಿದಂತೆ 50ಕ್ಕೂ ಹೆಚ್ಚು ಧಾರಾವಾಹಿಗಳಲ್ಲಿ ಅಭಿನಯಿಸಿದ್ದಾರೆ. ಅಷ್ಟೇ ಅಲ್ಲದೇ ನಿರೂಪಕರಾಗಿಯೂ ಕಾರ್ಯನಿರ್ವಹಿಸಿದ್ದಾರೆ.

ಈ ವಿವಾಹ ಸಮಾರಂಭಕ್ಕೆ ಕಿರುತೆರೆ ನಟನಟಿಯರ ದಂಡೆ ಆಗಮಿಸಿತ್ತು. ಕಿರುತೆರೆ ಹಾಗೂ ಚಲನಚಿತ್ರ ನಟ ಅರುಣ್ ಸಾಗರ್, ವಿಕ್ರಮ್, ಸೂರಿ, ದಯಾನಂದ್, ಸಾಗರ್, ಕೃಷ್ಣ ಅಡಿಗ, ಚಿತ್ರ ನಿರ್ದೇಶಕ ಶ್ಯಾಮ್ ಸೇರಿದಂತೆ ನೂರಕ್ಕೂ ಅಧಿಕ ಚಲನಚಿತ್ರ ಹಾಗೂ ಕಿರುತೆರೆ ನಟ ನಟಿಯರು ಪಾಲ್ಗೊಂಡಿದ್ದು ವಿಶೇಷವಾಗಿತ್ತು.