ಲಾಕ್​​​ಡೌನ್ ತೆರವುಗೊಳಿಸಿದ್ದೇ ಮದ್ಯದ ಅಂಗಡಿ ತೆರೆಯಲು: ಹೆಚ್.ಕೆ.ಪಾಟೀಲ್ ಆರೋಪ

ಕೊರೊನಾ ನಿಯಂತ್ರಣಕ್ಕೆ ಏನೆಲ್ಲಾ‌ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಬೇಕು ಎಂಬುದನ್ನು ಸರ್ಕಾರ ಯೋಚನೆ ಮಾಡಬೇಕಿದೆ ಎಂದು ಶಾಸಕ ಹೆಚ್​​.ಕೆ.ಪಾಟೀಲ್ ಹೇಳಿದರು.

ಗದಗ: ಕೊರೊನಾ ವೈರಸ್​​​ ಹರಡುವುದನ್ನು ನಿಯಂತ್ರಿಸಲು ಸರ್ಕಾರ ವಿವೇಕದ ಹೆಜ್ಜೆ ಇಡುತ್ತಿಲ್ಲ ಎಂದು ಶಾಸಕ ಹೆಚ್​​.ಕೆ.ಪಾಟೀಲ್ ಆರೋಪಿಸಿದರು.

ಲಾಕ್​​ಡೌನ್ ಯಶಸ್ವಿಯಾಗುವ ವೇಳೆಯಲ್ಲಿ ತೆರವುಗೊಳಿಸಿ ಕೊರೊನಾ ಹೆಚ್ಚಳಕ್ಕೆ ಕಾರಣವಾಗಿದ್ದಾರೆ. ಅದು ಮದ್ಯದ ಅಂಗಡಿ ತೆರೆಯಲು ಲಾಕ್​​​ಡೌನ್ ತೆರವುಗೊಳಿಸಿದ್ದಾರೆ ಎಂದು ಕಿಡಿಕಾರಿದರು.

ಗದಗದಲ್ಲಿ ಪ್ರತಿಭಟನೆ ಮಾಡಿದ ಬಳಿಕ ಅವರು ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿದ ಅವರು, ವೈದ್ಯರು, ನರ್ಸ್, ಪೊಲೀಸರು, ಪತ್ರಕರ್ತರು, ವಿವಿಧ ಕ್ಷೇತ್ರಗಳ ಸರ್ಕಾರಿ ನೌಕರರು ಕೊರೊನಾಗೆ ತುತ್ತಾಗುತ್ತಿದ್ದಾರೆ. ಈಗ ಅವರಿಗೆ ಲಾಕ್​​​​​​ಡೌನ್ ಮತ್ತೆ ಮಾಡಬೇಕು ಎಂದು ಮನವರಿಕೆಯಾಗುತ್ತಿದೆ ಎಂದರು.