ಪಾಯ ಕಡಿಯುವ ವೇಳೆ ಪಕ್ಕದ ಮನೆಯ ಕಾಂಪೌಂಡ್ ‌ಕುಸಿದು ಕಾರ್ಮಿಕ ಸಾವು

ಮನೆ ಕಟ್ಟಲು ಪಾಯ ಕಡಿಯುವ ಸಂದರ್ಭದಲ್ಲಿ ಪಕ್ಕದ ಮನೆಯ ಕಾಂಪೌಂಡ್ ಕುಸಿದು ಕಾರ್ಮಿಕ ಸಾವನ್ನಪ್ಪಿದ್ದಾನೆ.

ಹುಬ್ಬಳ್ಳಿ:ಮನೆ ಕಟ್ಟಲು ಬುನಾದಿ ತಗೆಯುತ್ತಿದ್ದ ವೇಳೆ ಕಾಂಪೌಂಡ್ ಗೋಡೆ ಕುಸಿದು ಕಾರ್ಮಿಕನೋರ್ವ ಮೃತಪಟ್ಟ ಘಟನೆ ಲಿಂಗರಾಜನಗರದಲ್ಲಿ ನಡೆದಿದೆ.

ಮಂಟೂರ ಗ್ರಾಮದ ಈರಪ್ಪ ಸಂಕನಗೌಡ್ರ ಮೃತಪಟ್ಟಿರುವ ಕಾರ್ಮಿಕ.

ಗಂಭೀರವಾಗಿ ಗಾಯಗೊಂಡ ಕಾರ್ಮಿಕನನ್ನು ತಕ್ಷಣವೇ ಕಿಮ್ಸ್​ಗೆ ದಾಖಲಿಸಲಾಯಿತಾದ್ರೂ ಚಿಕಿತ್ಸೆ ಫಲಿಸದೆ ಸಾವನ್ನಪ್ಪಿದ್ದಾನೆ. ಈ ಸಂಬಂಧ ವಿದ್ಯಾನಗರ ಪೊಲೀಸ್ ಠಾಣೆಯಲ್ಲಿ‌ ಪ್ರಕರಣ ದಾಖಲಾಗಿದೆ.