ಧಾರವಾಡ :ವಿದ್ಯಾಕಾಶಿ ಫೇಡಾನಗರಿ ಎಂದೇ ಖ್ಯಾತಿ ಹೊಂದಿರುವ ಜಿಲ್ಲೆಯಲ್ಲಿ ಇದೀಗ ಮೀಟರ್ ಬಡ್ಡಿ ದಂಧೆ ಎಗ್ಗಿಲ್ಲದೇ ಸಾಗಿದೆ. ಅವಳಿನಗರದಲ್ಲಿ ಮೀಟರ್ ಬಡ್ಡಿ ದಂಧೆ ಹೆಚ್ಚಾಗಿದೆ. ಇದಕ್ಕೆ ಪೂರಕ ಎಂಬಂತೆ ಸಾಲ ನೀಡಿದವರ ಕಿರುಕುಳಕ್ಕೆ ಬೇಸತ್ತು ವ್ಯಕ್ತಿಯೋರ್ವ ಆತ್ಮಹತ್ಯೆ ಮಾಡಿಕೊಂಡಿರುವುದು ಬಡ್ಡಿ ದಂಧೆಗೆ ಹಿಡಿದ ಕೈಗನ್ನಡಿಯಾಗಿದೆ.
ಮೀಟರ್ ಬಡ್ಡಿ ದಂಧೆಯಿಂದ ನೊಂದು ವ್ಯಕ್ತಿ ಆತ್ಮಹತ್ಯೆ
ಧಾರವಾಡ ನಗರದ 39 ವರ್ಷದ ವಿಜಯ್ ನಾಗನೂರ ಎಂಬಾತ ಮೀಟರ್ ಬಡ್ಡಿ ದಂಧೆಗೆ ಬಲಿಯಾಗಿದ್ದಾರೆ. ಲಕ್ಷ್ಮಿಸಿಂಗನಕೆರೆ ಶಿವರಾಜ ಮಾಕಡವಾಲೆ ಎಂಬಾತನಿಂದ ಕೆಲ ವರ್ಷಗಳ ಹಿಂದೆ 25 ಸಾವಿರ ರೂಪಾಯಿ ಸಾಲ ಮಾಡಿದ್ದರು ಎನ್ನಲಾಗಿದೆ.
ಈ ವೇಳೆ ವಿಜಯ್ ಖಾಲಿ ಚೆಕ್ಗೆ ಸಹಿ ಕೂಡ ಮಾಡಿದ್ದರು. ಹೀಗಾಗಿ, ಸಾಲ ತೀರಿದರು ನಿರಂತರವಾಗಿ ಮಾಕಡವಾಲೆ ವಿಜಯ್ ಅವರಿಂದ ಹಣ ಕೇಳಿ ಕುಟುಂಬಕ್ಕೆ ಬೆದರಿಕೆಯೊಡಿದ್ದರು ಎಂದು ಕುಟುಂಬಸ್ಥರು ಆರೋಪಿಸಿದ್ದಾರೆ.