ಆರ್​ಸಿಬಿ ಗೆಲ್ಲಿಸುವಂತೆ ಕೊಹ್ಲಿ ಹಾಗೂ ತಂಡದ ಹೆಸರಿನಲ್ಲಿ ದುರ್ಗಾ ದೇವಿಗೆ ವಿಶೇಷ ಪೂಜೆ!

ಇಂದಿನ ಪಂದ್ಯದಲ್ಲಿ ಕೆಕೆಆರ್​ ವಿರುದ್ಧ ಆರ್​ಸಿಬಿ ಗೆಲ್ಲಿಸುವಂತೆ ಕೊಹ್ಲಿ ಹೆಸರಿನಲ್ಲಿ ದುರ್ಗಾ ದೇವಿಗೆ ವಿಶೇಷ ಪೂಜೆ ಮಾಡಿಸಿರುವ ಘಟನೆ ಧಾರವಾಡದಲ್ಲಿ ನಡೆದಿದೆ.

ಧಾರವಾಡ: ಐಪಿಎಲ್ ಪಂದ್ಯಗಳು ಅಂತಿಮ ಘಟ್ಟಕ್ಕೆ ಬಂದು ತಲುಪಿವೆ. ಇಂದು ಆರ್​ಸಿಬಿ ಹಾಗೂ ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವೆ ಪಂದ್ಯ ನಡೆಯಲಿದೆ. ಹಾಗಾಗಿ ಧಾರವಾಡದಲ್ಲಿ ಆರ್​ಸಿಬಿ ಅಭಿಮಾನಿಗಳು ವಿಶೇಷ ಪೂಜೆ ಸಲ್ಲಿಸಿದ್ದಾರೆ.

ಆರ್​ಸಿಬಿ ಗೆಲ್ಲಿಸುವಂತೆ ಕೊಹ್ಲಿ ಹೆಸರಿನಲ್ಲಿ ದುರ್ಗಾ ದೇವಿಗೆ ವಿಶೇಷ ಪೂಜೆ

ಧಾರವಾಡದ ದುರ್ಗಾ ದೇವಿಗೆ ವಿರಾಟ್ ಕೊಹ್ಲಿ ಅಂಡ್ ಟೀಮ್ ಹೆಸರಿನಲ್ಲಿ 101 ರೂ. ಅಭಿಷೇಕ ಪೂಜಾ ಮಾಡಿಸಿದ್ದಾರೆ. ಈ ರಸೀದಿ ಇದೀಗ ಮತ್ತೊಮ್ಮೆ ವೈರಲ್ ಆಗಿದೆ.

101 ರೂ.ಗಳ ವಿಶೇಷ ಪೂಜೆ ನೆರವೇರಿಸಿ ಆರ್​ಸಿಬಿ ಪಂದ್ಯ ಗೆಲ್ಲಿಸುವಂತೆ ಆರ್​ಸಿಬಿ ಅಭಿಮಾನಿಗಳು ಪೂಜೆ ಮಾಡಿಸಿದ್ದಾರೆ. ಕಳೆದ ಶನಿವಾರವೂ ಧಾರವಾಡದ ಪ್ರಸಿದ್ಧ ನುಗ್ಗಿಕೇರಿ ಆಂಜನೇಯನಿಗೆ ಅಭಿಮಾನಿಗಳು ಪೂಜೆ ಸಲ್ಲಿಸಿದ್ದರು. ಆ ಪಂದ್ಯದಲ್ಲಿ ಆರ್​ಸಿಬಿ ಜಯಿಸಿತ್ತು.

ನವರಾತ್ರಿ ಹಿನ್ನೆಲೆ ದುರ್ಗಾ ದೇವಿಗೆ ಪಂದ್ಯ ಗೆಲ್ಲಿಸುವಂತೆ ಆರ್​ಸಿಬಿ ಅಭಿಮಾನಿಗಳು ಪೂಜೆ ಮಾಡಿಸಿದ್ದು, ಇಂದಿನ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಗೆದ್ದು ಬೀಗುತ್ತಾ ಎಂಬುದನ್ನು ಕಾದು ನೋಡಬೇಕಾಗಿದೆ. ಆದ್ರೆ ಪೂಜೆ ಸಲ್ಲಿಸಿದ ರಸೀದಿ ಮಾತ್ರ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗ್ತಿದೆ.