ಧಾರವಾಡ ಜಿಲ್ಲಾಧಿಕಾರಿಗಳ ಕಚೇರಿ ಎರಡು ದಿನ ಸೀಲ್​ಡೌನ್​!

ರಾಜ್ಯದಲ್ಲಿ ಕೊರೊನಾ ಅಬ್ಬರ ಜೋರಾಗಿದ್ದು, ಇದರ ಅಬ್ಬರ ಧಾರವಾಡದಲ್ಲೂ ಇದೆ. ಇದೀಗ ಜಿಲ್ಲಾಧಿಕಾರಿ ಕಚೇರಿಯ ಐವರು ಸಿಬ್ಬಂದಿಯಲ್ಲಿ ಮಹಾಮಾರಿ ಕಾಣಿಸಿಕೊಂಡಿದೆ.

ಧಾರವಾಡ:ಪೇಡಾ ನಗರಿ ಧಾರವಾಡದಲ್ಲೂ ಮಹಾಮಾರಿ ಕೊರೊನಾ ಅಬ್ಬರ ಜೋರಾಗಿದೆ.ಇದರ ಮಧ್ಯೆ ಇಲ್ಲಿನ ಜಿಲ್ಲಾಧಿಕಾರಿಗಳ ಕಚೇರಿಯಲ್ಲಿ ಐವರು ಸಿಬ್ಬಂದಿಯಲ್ಲಿ ಸೋಂಕು ದೃಢಪಟ್ಟಿರುವ ಹಿನ್ನೆಲೆಯಲ್ಲಿ ಕಚೇರಿ ಸ್ಯಾನಿಟೈಸ್​ ಮಾಡಿ, ಎರಡು ದಿನ ಸೀಲ್​ಡೌನ್ ಮಾಡಲಾಗಿದೆ.

ಸೋಮವಾರ ಏರ್ಪಡಿಸಿದ್ದ ‌ಆ್ಯಂಟಿಜೆನ್ ಟೆಸ್ಟ್​​ನಲ್ಲಿ ಐವರಿಗೆ ಸೋಂಕು ದೃಡಪಟ್ಟಿರುವ ಕಾರಣ ಮಂಗಳವಾರ ಮತ್ತು ಬುಧವಾರ ಎರಡು ದಿನಗಳ ಕಾಲ ಸೀಲ್​ಡೌನ್​ ಮಾಡಲಾಗುತ್ತಿದೆ ಎಂದು ಜಿಲ್ಲಾಧಿಕಾರಿ ನಿತೇಶ್ ಪಾಟೀಲ ತಿಳಿಸಿದ್ದಾರೆ.

ನಿನ್ನೆ ಧಾರವಾಡದಲ್ಲಿ 157 ಜನರಿಗೆ ಕೊರೊನಾ ವೈರಸ್​ ಕಾಣಿಸಿಕೊಂಡಿದ್ದು, ಈ ಮೂಲಕ ಒಟ್ಟು ಸೋಂಕಿತ ಪ್ರಕರಣಗಳ ಸಂಖ್ಯೆ 6126 ಆಗಿದ್ದು, ಸದ್ಯ 2413 ಸಕ್ರಿಯ ಪ್ರಕರಣಗಳಿವೆ. ಇದರಲ್ಲಿ 197 ಜನರು ಸಾವನ್ನಪ್ಪಿದ್ದಾರೆ.