ಬೈಕ್​​​​​ ಸವಾರನಿಂದ ಅಕ್ರಮವಾಗಿ ಹಣ ವಸೂಲಿ: ಮುಖ್ಯ ಪೊಲೀಸ್​​ ಪೇದೆ-ಎಎಸ್​ಐ ಅಮಾನತು

ದಾವಣಗೆರೆಯಲ್ಲಿ ಬೈಕ್ ಸವಾರನಿಗೆ ರಶೀದಿ ನೀಡದೇ ಅಕ್ರಮವಾಗಿ ಹಣ ವಸೂಲಿ ಮಾಡಿದ್ದ ಮುಖ್ಯ ಪೊಲೀಸ್ ಪೇದೆ ಹಾಗೂ ಹಾಗೂ ಎಎಸ್​ಐ ಇಬ್ಬರನ್ನೂ ಅಮಾನತುಗೊಳಿಸಲಾಗಿದೆ.

ದಾವಣಗೆರೆ:ನಗರದ ಪಿಬಿ ರಸ್ತೆಯಲ್ಲಿ ಬೈಕ್ ಸವಾರರಿಂದ ಅಕ್ರಮವಾಗಿ ಹಣ ವಸೂಲಿ ಮಾಡುತ್ತಿದ್ದ ಮುಖ್ಯ ಪೊಲೀಸ್ ಪೇದೆ ಹಾಗೂ ಹಾಗೂ ಎಎಸ್​ಐ ಇಬ್ಬರನ್ನೂ ಎಸ್​ಪಿ ಹನುಮಂತರಾಯ ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.

ಹೆಡ್ ಕಾನ್ಸ್​ಸ್ಟೇಬಲ್ ರವಿ‌ ಹಾಗೂ ಎಎಸ್​​ಐ ಜಯಣ್ಣ ಅಮಾನತುಗೊಂಡ ಪೊಲೀಸರು. ಹಾಡಹಗಲೇ ಬೈಕ್ ಸವಾರನಿಗೆ ರಶೀದಿ ನೀಡದೇ 600 ರೂಪಾಯಿ ಹಣ ವಸೂಲಿ ಮಾಡಿ ಜೇಬಿಗೆ ಇಳಿಸಿಕೊಂಡಿದ್ದರು ಎನ್ನಲಾಗಿದೆ. ಇನ್ನು ಈ ಅಕ್ರಮದ ವಿಡಿಯೋ ಸಾಮಾಜಿಕ‌ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿತ್ತು. ಈ ಹಿನ್ನೆಲೆ ಮುಖ್ಯ ಪೇದೆ ಹಾಗೂ ಎಎಸ್​ಐ ಅವರನ್ನು ಅಮಾನತು ಮಾಡಲಾಗಿದೆ ಎಂದು ಎಸ್​ಪಿ ಹನುಮಂತರಾಯ ಮಾಹಿತಿ ನೀಡಿದ್ದಾರೆ.