ಹರಿಹರದಲ್ಲಿ ಸಂಭ್ರಮದ ಈದ್​ ಮಿಲಾದ್...

ಇಂದು ರಾಜ್ಯಾದ್ಯಂತ ಈದ್​ ಮಿಲಾದ್​ ಆರರಣೆ ಮಾಡುತ್ತಿದ್ದು, ಹರಿಹರದಲ್ಲಿಯೂ ಮುಸ್ಲಿಂ ಬಾಂಧವರು ಸಂಭ್ರಮದಿಂದ ಹಬ್ಬವನ್ನು ಆಚರಿಸಿದ್ರು.

ಹರಿಹರ(ದಾವಣಗೆರೆ):ರಾಜ್ಯಾದ್ಯಂತ ಈದ್​ ಮಿಲಾದ್​ ಆರರಣೆ ಮಾಡುತ್ತಿದ್ದು, ಹರಿಹರದಲ್ಲಿಯೂ ಮುಸ್ಲಿಂ ಬಾಂಧವರು ಸಂಭ್ರಮದಿಂದ ಹಬ್ಬವನ್ನು ಆಚರಿಸಿದ್ರು.

ಇಂದು ಮುಸ್ಲಿಂ ಬಾಂಧವರು ಮಸೀದಿಗಳಿಗೆ ತೆರಳಿ ವಿಶೇಷ ಪ್ರವಚನ, ಪ್ರಾರ್ಥನೆ ಸಲ್ಲಿಸಿದರು. ಬಳಿಕ ನಗರದಲ್ಲಿ ಮೆರವಣಿಗೆ ಕೈಗೊಂಡ ಮುಸ್ಲಿಂ ಬಾಂಧವರು ನಾಲಾ ಮೊಹಲ್ಲಾ, ಇಂದಿರಾನಗರ, ನೀಲಕಂಠನಗರ, ಬೆಂಕಿನಗರ, ಕಾಳಿದಾಸನಗರ, ಹೈಸ್ಕೂಲ್ ಬಡಾವಣೆ, ಶಿವಮೊಗ್ಗ ರಸ್ತೆ, ಮುಖ್ಯ ರಸ್ತೆ ಗಾಂಧಿ ವೃತ್ತ ಸೇರಿದಂತೆ ವಿವಿಧ ಕಡೆ ಸಾಗಿದರು. ಮೆರವಣಿಗೆಯಲ್ಲಿ ಯುವಕರು ಪೈಗಂಬರ್‌ರ ಕುರಿತು ಘೋಷಣೆಗಳನ್ನು ಕೂಗಿದರು. ಈ ವೇಳೆ ನಗರದಲ್ಲಿ ಬಿಗಿ ಭದ್ರತೆ ವಹಿಸಲಾಗಿತ್ತು.

ಈ ವೇಳೆ ಶಾಸಕ ಎಸ್.ರಾಮಪ್ಪ, ಮಾಜಿ ಶಾಸಕ ಎಚ್.ಎಸ್.ಶಿವಶಂಕರ್, ಮೌಲಾನಾ ಸೈಯದ್ ಶಂಶುದ್ದೀನ್​​ ಬರ್ಕಾತಿ​​, ನಗರಸಭಾ ಸದಸ್ಯರಾದ ಶಂಕರ್ ಖಟಾವಕರ್​, ದಾದಾ ಖಲಾಂದರ್, ಎಸ್.ಎಂ.ವಸಂತ್, ಮಾಜಿ ಸದಸ್ಯರಾದ ಬಿ.ಮೊಹಮ್ಮದ್ ಸಿಗ್ಬತ್, ಅಹ್ಮದ್ ಮತ್ತಿತರರಿದ್ದರು.