ಬೆಂಕಿ ಅವಘಡಕ್ಕೀಡಾಗಿದ್ದ ಕುಟುಂಬಕ್ಕೆ ಧನ ಸಹಾಯ

ಬೆಂಕಿಯಿಂದ ಮನೆ ಹಾನಿಗೀಡಾಗಿಡಾಗಿದ್ದ ಕುಟುಂಬಕ್ಕೆ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯಿಂದ ಧನ ಸಹಾಯ ಮಾಡಲಾಯಿತು.

ಹರಿಹರ:ಬೆಂಕಿಯಿಂದ ಮನೆ ಹಾನಿಗೀಡಾಗಿದ್ದ ಕುಟುಂಬಕ್ಕೆ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯಿಂದ ಧನ ಸಹಾಯ ಮಾಡಲಾಯಿತು.

ಕಡರನಾಯಕನಹಳ್ಳಿ ವಲಯದ ಇಂಗಳಗುಂದಿ ಕಾರ್ಯಕ್ಷೇತ್ರದ ಶ್ರೀ ಗಗನ ಪಿಬಿಜಿ ಸಂಘದ ಸದಸ್ಯರಾದ ರೇಣುಕಮ್ಮ ಕೋಂ ರಾಮಪ್ಪ ಅವರ ಮನೆ ಬೆಂಕಿಯಿಂದ ಹಾನಿಗೀಡಾಗಿತ್ತು. ಈ ಹಿನ್ನೆಲೆ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಜಿಲ್ಲಾ ನಿರ್ದೇಶಕರಾದ ಜಯಂತ್ ಪೂಜಾರಿಯವರು ಸಂತ್ರಸ್ತರಿಗಾಗಿ ಧರ್ಮಸ್ಥಳದಿಂದ ಮಂಜೂರಾಗಿದ್ದ 10,000 ರೂಪಾಯಿಗಳ ಚೆಕ್ಕನ್ನು ನೀಡಿ ಕುಟುಂಬಕ್ಕೆ ಸಾಂತ್ವನ ಹೇಳಿದರು.

ಈ ವೇಳೆ ತಾಲೂಕು ಯೋಜನಾಧಿಕಾರಿಯಾದ ಗಣಪತಿ ಮಾಳಂಜಿ, ಗ್ರಾಮ ಪಂಚಾಂಯಿತಿ ಅಧ್ಯಕ್ಷರಾದ ಸಾಕಮ್ಮ, ಒಕ್ಕೂಟ ಅಧ್ಯಕ್ಷರಾದ ಸುವರ್ಣಮ್ಮ, ಮೇಲ್ವಿಚಾರಕರಾದ ಪ್ರವೀಣ್ ಹಾಗೂ ಸೇವಾಪ್ರತಿನಿಧಿ ಸಾವಿತ್ರಿ ಉಪಸ್ಥಿತರಿದ್ದರು.