ದಾವಣಗೆರೆ ಎರೆಹುಳು ಗೊಬ್ಬರ ತಯಾರಿಕಾ ಘಟಕಕ್ಕೆ ಜಿಲ್ಲಾಧಿಕಾರಿ ಭೇಟಿ

ದಾವಣಗೆರೆಯಲ್ಲಿ ಡಾ.ಶಾಂತಾ ಭಟ್ ಎಂಬವರು ನಡೆಸುತ್ತಿರುವ ಹಸಿ ಕಸದಿಂದ ಎರೆಹುಳು ಗೊಬ್ಬರ ತಯಾರಿಕೆ ಘಟಕಕ್ಕೆ ಜಿಲ್ಲಾಧಿಕಾರಿ ಮಹಾಂತೇಶ ಬೀಳಗಿ ಭೇಟಿ ನೀಡಿದರು.

ದಾವಣಗೆರೆ :ನಗರದ ಎಸ್.ಎಸ್.ಬಡಾವಣೆಯಲ್ಲಿರುವ ನಾಗರಿಕರ ಸಮಿತಿ ಸಂಘದ ಅಧ್ಯಕ್ಷರಾದ ಡಾ.ಶಾಂತಾ ಭಟ್ ನಡೆಸುತ್ತಿರುವ ಹಸಿ ಕಸದಿಂದ ಎರೆಹುಳು ಗೊಬ್ಬರ ತಯಾರಿಕಾ ಘಟಕಕ್ಕೆ ಜಿಲ್ಲಾಧಿಕಾರಿ ಮಹಾಂತೇಶ ಬೀಳಗಿ ಭೇಟಿ ನೀಡಿದರು.

ಹಸಿಕಸದಿಂದ ಎರೆಹುಳು ಗೊಬ್ಬರ ವಿಧಾನ ಹೇಗೆ?

ಬಡಾವಣೆಯಲ್ಲಿರುವ ಮನೆ-ಮನೆಗಳಿಂದ ಹಸಿಕಸ, ಬೀದಿಯಲ್ಲಿರುವ ಮರಗಳಿಂದ ಉದುರಿದ ಒಣ ಎಲೆಗಳು ಹಾಗೂ ಸ್ವಲ್ಪ ಸಗಣಿ ಮತ್ತು ಕಾಂಪೋಸ್ಟ್‌ ಬಳಸಿ ಅವೆಲ್ಲವನ್ನು ಫೈಬರ್ ಡ್ರಮ್ಮಿನಲ್ಲಿ ಹಾಕಲಾಗುತ್ತೆ. ಈ ಡ್ರಮ್ಮು ತುಂಬಿದ ನಂತರ ಒಂದು ತಿಂಗಳ ಅವಧಿ ಹಾಗೆಯೇ ಬಿಟ್ಟು ನಂತರ ಆ ತ್ಯಾಜದಲ್ಲಿ ಎರೆಹುಳುಗಳನ್ನು ಬಿಡಲಾಗುತ್ತೆ. ಹೀಗೆ ಪ್ರಾರಂಭದ ಹಂತದಿಂದ ಮೂರು ತಿಂಗಳುಗಳ ನಂತರ ಉತ್ಕೃಷ್ಟವಾದ ಸಾವಯವ ರಸಗೊಬ್ಬರ ಬಳಕೆಗೆ ಲಭ್ಯವಿರುತ್ತದೆ ಎಂದು ಜಿಲ್ಲಾಧಿಕಾರಿಗಳಿಗೆ ಶಾಂತಾ ಭಟ್‌ ಮಾಹಿತಿ ನೀಡಿದರು.