ಮಂಗಳೂರು:ಲಾಕ್ ಡೌನ್ ಬಳಿಕ ಏನೇನು ಮುಂಜಾಗ್ರತೆ ಕಾರ್ಯಗಳನ್ನು ಮಾಡಬೇಕು ಎಂಬ ವಿಚಾರವಾಗಿ ಮಂಗಳೂರು ವಿವಿ ಮಟ್ಟದ ರಾಷ್ಟ್ರೀಯ ಸೇವಾಯೋಜನಾ ಸ್ವಯಂ ಸೇವಕರು ಆನ್ ಲೈನ್ನಲ್ಲಿ ಕಾರ್ಯಾಗಾರ ನಡೆಸಿದರು. ಮಂಗಳೂರು ವಿವಿ ಜೊತೆಗೆ ಕೆನರಾ ಕಾಲೇಜು ಕೂಡ ಭಾಗಿಯಾಗಿತ್ತು.
ರಾಜ್ಯ ರಾ.ಸೇ.ಯೋಜನಾ ಅಧಿಕಾರಿಗಳು ಮತ್ತು ಕರ್ನಾಟಕ ಸರ್ಕಾರದ ಪದನಿಮಿತ್ತ ಜಂಟಿ ಕಾರ್ಯದರ್ಶಿ ಡಾ.ಗಣನಾಥ ಶೆಟ್ಟಿ ಎಕ್ಕಾರು ಕಾರ್ಯಕ್ರಮ ಉದ್ಘಾಟಿಸಿದರು. ನಂತರ ಮಾತನಾಡಿದ ಅವರು, ಪೂರ್ವಜರ ನಡೆನುಡಿಗಳಲ್ಲಿ ಇವತ್ತಿನ ಸವಾಲಿಗೆ ಉತ್ತರವಿದೆ. ಮಿತ ವೆಚ್ಚ, ಹಿತ ಆಹಾರ, ಸ್ವಚ್ಛ ಆಚಾರ, ಪ್ರಕೃತಿಯ ಜೊತೆಗಿನ ಬದುಕು ಇವುಗಳಿಗೆ ಒತ್ತು ನೀಡಬೇಕು ಎಂದು ಹೇಳಿದರು.