ಕಣ್ಣಿಗೆ ಮೆಣಸಿನ ಪುಡಿ ಎರಚಿ ಮಹಿಳೆಯ ಸರಗಳವು!

ಬೈಕ್​ನಲ್ಲಿ​ ಬಂದ ಸರಗಳ್ಳರು ಮಹಿಳೆಯ ರೋಲ್ಡ್ ಗೋಲ್ಡ್ ಸರ ಎಗರಿಸಿ ಪರಾರಿಯಾಗಿರುವ ಘಟನೆ ಉಳ್ಳಾಲ‌ ತಾಲೂಕಿನಲ್ಲಿ ನಡೆದಿದೆ.

ಉಳ್ಳಾಲ‌: ಹಾಡುಹಗಲೇ ಕಣ್ಣಿಗೆ ಮೆಣಸಿನ ಪುಡಿ ಎರಚಿ ರೋಲ್ಡ್ ಗೋಲ್ಡ್​ ಸರ ಎಗರಿಸಿರುವ ಘಟನೆ ತಾಲೂಕಿನ ಹರೇಕಳ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಬಾವಲಿಗುರಿ ಬಳಿ ಕೆಲಸಕ್ಕೆ ‌ತೆರಳಲು ಬಸ್​ಗಾಗಿ ಶಾಂತಾ ಎಂಬುವವರು ಕಾಯುತ್ತಿದ್ದಾಗ ಬೈಕ್​ನಲ್ಲಿ ಬಂದ ದುಷ್ಕರ್ಮಿಗಳು ಈ ಕೃತ್ಯ ನಡೆಸಿ ಪರಾರಿಯಾಗಿದ್ದಾರೆ.

ಮಹಿಳೆ‌ ಧರಿಸಿದ ಕರಿಮಣಿ ರೋಲ್ಡ್​ ಗೋಲ್ಡ್​ ಆಗಿದ್ದು ಕಳ್ಳರಿಗೆ ಹಿಡಿಶಾಪ ಹಾಕುತ್ತಾ ಕೊಣಾಜೆ ಠಾಣೆಗೆ ಬಂದು ಕೇಸು ದಾಖಲಿಸಿದ್ದಾರೆ.