ಚಿತ್ರದುರ್ಗದಲ್ಲಿ ನಾಲ್ವರು ಕೊರೊನಾ ಸೋಂಕಿತರು ಗುಣಮುಖ: ಆಸ್ಪತ್ರೆಯಿಂದ ಡಿಸ್ಚಾರ್ಜ್​

ಚಿತ್ರದುರ್ಗದಲ್ಲಿ ಕೊರೊನಾ ಸೋಂಕಿತರಾಗಿದ್ದ 32ವರ್ಷದ ವ್ಯಕ್ತಿ ಪಿ-752, 27 ವರ್ಷದ ಯುವಕ ಪಿ-788, 38 ವರ್ಷದ ವ್ಯಕ್ತಿ ಪಿ -787, 64 ವರ್ಷದ ವ್ಯಕ್ತಿ ಪಿ-751 ಗುಣಮುಖರಾಗಿದ್ದಾರೆ.

ಚಿತ್ರದುರ್ಗ:ಜಿಲ್ಲೆಯಲ್ಲಿ ನಾಲ್ವರು ಕೊರೊನಾ ಸೋಂಕಿತರು ಗುಣಮುಖರಾಗಿದ್ದು, ಕೋವಿಡ್-19 ಆಸ್ಪತ್ರೆಯಿಂದ ಬಿಡುಗಡೆಗೊಳಿಸಲಾಗಿದೆ.

32ವರ್ಷದ ವ್ಯಕ್ತಿ ಪಿ-752, 27 ವರ್ಷದ ಯುವಕ ಪಿ-788, 38 ವರ್ಷದ ವ್ಯಕ್ತಿ ಪಿ -787, 64 ವರ್ಷದ ವ್ಯಕ್ತಿ ಪಿ-751 ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. ಇವರನ್ನು ಡಿಸಿ ವಿನೋತ್ ಪ್ರಿಯಾ ಹೂ ಹಾಕುವ ಮೂಲಕ ಆಸ್ಪತ್ರೆಯಿಂದ ಕಳುಹಿಸಿಕೊಟ್ಟರು. ಈ ವೇಳೆ ಜಿಲ್ಲಾಸ್ಪತ್ರೆ ಸರ್ಜನ್ ಡಾ. ಬಸವರಾಜ ಉಪಸ್ಥಿತರಿದ್ದರು.

ಮನೆಗಳ ಬಳಿ ಜನ ಕೀಳಾಗಿ ಕಂಡರೆ ಗತಿ ಏನು ಎಂದು ಕೊರೊನಾ ಪೀಡಿತ 32 ವರ್ಷದ ವ್ಯಕ್ತಿ ಆತಂಕ ವ್ಯಕ್ತಪಡಿಸಿದ್ದಾನೆ. ಈ ವೇಳೆ ತೊಂದರೆ ಆದರೆ ನಮಗೆ ತಿಳಿಸಿ ಎಂದು ಅಲ್ಲಿದ್ದ ಅಧಿಕಾರಿಗಳು ಆತ್ಮಸ್ಥೈರ್ಯ ತುಂಬಿದ್ದಾರೆ.

ಆಸ್ಪತ್ರೆಯ ಸಿಬ್ಬಂದಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಕೊರೊನಾದಿಂದ ಗುಣಮುಖರಾದವರು, ವೈದ್ಯಕೀಯ ಸಿಬ್ಬಂದಿ, ಅಧಿಕಾರಿಗಳೆಲ್ಲರಿಗೂ ಧನ್ಯವಾದ ಹೇಳಿದ್ದಾರೆ.