ಚಿಕ್ಕಮಗಳೂರು: ಸಾರ್ವಜನಿಕ ಶೌಚಾಲಯ ಅಂದ್ರೆ ಮೂಗು ಮುರಿಯುವ ಜನರೇ ಹೆಚ್ಚು, ಇನ್ನು ಶೌಚಾಲದೊಳಗೆ ಹೋಗೋದು ಅಂದ್ರೆ ನರಕದ ದಾರಿಗಿಂತ ಕಡಿಮೆ ಇಲ್ಲ. ಆದ್ರೆ ಇಲ್ಲೊಂದು ಶೌಚಾಲಯ ಮಾತ್ರ ಇದೆಲ್ಲಕ್ಕಿಂತಲೂ ಭಿನ್ನವಾಗಿದ್ದು, ಈ ಶೌಚಾಲಯ ಬಳಸಿದ ಮಂದಿ ಅದರ ಮುಂದೊಂದು ಸೆಲ್ಫಿ ಕ್ಲಿಕ್ಕಿಸಿಕೊಂಡು ಸಾಗುತ್ತಾರೆ.
ಇಂತಹ ಶೌಚಾಲಯ ಇರೋದು ಮಲೆನಾಡು ಚಿಕ್ಕಮಗಳೂರಿನ ತರೀಕೆರೆ ನಗರದಲ್ಲಿ. ವಿಶೇಷ ಅಂದ್ರೆ ಈ ಶೌಚಾಲಯದ ಆಕರ್ಷಕ ಚಿತ್ರಗಳು ರಚಿಸಿರೋದ್ರಿಂದ ಇಲ್ಲಿ ಬರುವ ಮಂದಿ ಫೋಟೋ ಕ್ಲಿಕ್ಕಿಸಿಕೊಳ್ಳಲು ಮುಗಿಬೀಳುತ್ತಾರೆ. ಇದೊಂದೇ ಅಲ್ಲ ನಗರದ ಹತ್ತಾರು ಸಾರ್ವಜನಿಕರ ಶೌಚಾಲಯಗಳಿಗೆ ಹೊಸ ರೂಪ ಬಂದಿದೆ. ಒಂದಕ್ಕಿಂತ ಒಂದು ಶೌಚಾಲಯಗಳು ಕಲಾ ಕೃತಿಗಳಿಂದಾಗಿ ಹಾಗೂ ಬಣ್ಣ - ಬಣ್ಣದ ಚಿತ್ತಾರಗಳಿಂದಾಗಿ ಕಂಗೊಳಿಸುತ್ತಿದೆ.
ಈ ಶೌಚಾಲಯಗಳಿಗೆ ಬಂದ್ರೇ ಮೂಗು ಮುಚ್ಚಲ್ಲ, ಸೆಲ್ಫಿ ತಗೊಳ್ತಾರೆ..