ಚಿಕ್ಕಬಳ್ಳಾಪುರದಲ್ಲಿ 156 ಜನರಲ್ಲಿ ಕೊರೊನಾ ದೃಢ: ಸೋಂಕಿಗೆ ಮೂವರು ಬಲಿ

ಚಿಕ್ಕಬಳ್ಳಾಪುರದಲ್ಲಿ ಶುಕ್ರವಾರದ ಒಂದೇ ದಿನ 156 ಕೊರೊನಾ ಸೋಂಕಿತರು ಪತ್ತೆ ಆಗಿದ್ದಾರೆ.ಈ ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 8,521ಕ್ಕೆ ಏರಿಕೆಯಾಗಿದೆ.

ಚಿಕ್ಕಬಳ್ಳಾಪುರ:ಜಿಲ್ಲೆಯಲ್ಲಿ ಇಂದು 156 ಪಾಸಿಟಿವ್ ಪ್ರಕರಣಗಳು ದೃಢಪಟ್ಟಿದ್ದು, ಮೂವರು ಸೋಂಕಿತರು ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.

ಚಿಕ್ಕಬಳ್ಳಾಪುರ 4, ಬಾಗೇಪಲ್ಲಿ 23, ಚಿಂತಾಮಣಿ 20, ಗೌರಿಬಿದನೂರು 55, ಗುಡಿಬಂಡೆ 14 ಹಾಗೂ ಶಿಡ್ಲಘಟ್ಟದಲ್ಲಿ 40 ಸೋಂಕು ದೃಢಪಟ್ಟಿವೆ. ಈ ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 8,521ಕ್ಕೆ ಏರಿಕೆಯಾಗಿದೆ.

ಚಿಕ್ಕಬಳ್ಳಾಪುರ 101, ಬಾಗೇಪಲ್ಲಿ 36, ಚಿಂತಾಮಣಿ 57, ಗೌರಿಬಿದನೂರು 64, ಗುಡಿಬಂಡೆ 20 ಮತ್ತು ಶಿಡ್ಲಘಟ್ಟದ 20 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್​ ಆಗಿದ್ದಾರೆ. ಜಿಲ್ಲೆಯಲ್ಲಿ ಒಟ್ಟು ಗುಣಮುಖ ಆದವರ ಸಂಖ್ಯೆ 7,241ಕ್ಕೆ ಏರಿಕೆಯಾಗಿದೆ.

ಗೌರಿಬಿದನೂರು ಮೂಲದ 48 ವರ್ಷದ ಪುರುಷ, ಚಿಕ್ಕಬಳ್ಳಾಪುರ ಮೂಲದ 80 ವರ್ಷ ಹಾಗೂ 30 ವರ್ಷದ ವ್ಯಕ್ತಿ ಮೃತಪಟ್ಟಿದ್ದಾರೆ.