ಮಂಡಿ ನೋವಿನಲ್ಲೂ ಕುಂಟುತ್ತಾ ಮಾದಪ್ಪನ ದರ್ಶನ ಪಡೆದ ಗಾನ ಕೋಗಿಲೆ!

ಗಾನ ಕೋಗಿಲೆ ಎಸ್‌.ಜಾನಕಿಯವರು ಚಾಮರಾಜನಗರದ ಮಲೆಮಹದೇಶ್ವರ ಬೆಟ್ಟಕ್ಕೆ ಭೇಟಿ ನೀಡಿದ್ದರು.

ಚಾಮರಾಜನಗರ:ಗಾನ ಕೋಗಿಲೆ ಎಸ್‌.ಜಾನಕಿ ಇಂದು ಪ್ರಸಿದ್ಧ ತೀರ್ಥಕ್ಷೇತ್ರ ಮಲೆಮಹದೇಶ್ವರ ಬೆಟ್ಟಕ್ಕೆ ತೆರಳಿ ದರ್ಶನ ಪಡೆದರು.

20ಕ್ಕೂ ಹೆಚ್ಚು ತಮ್ಮ ಸಂಬಂಧಿಕರೊಂದಿಗೆ ಕಾಲು ನೋವಿನಲ್ಲೂ ಕುಂಟುತ್ತಾ ಇಂದು ನಡೆದ ಮಹಾರುದ್ರಾಭಿಷೇಕದ ಪೂಜೆ ಬಳಿಕ ಮಾದಪ್ಪನ ದರ್ಶನ ಪಡೆದು ವಿಶೇಷ ಪೂಜೆ ಸಲ್ಲಿಸಿದರು ಎಂದು ಅರ್ಚಕ ಮೂಲಗಳು ತಿಳಿಸಿವೆ.

ಬಳಿಕ, ದೇಗುಲದಲ್ಲೇ ಪ್ರಸಾದ ಸೇವಿಸಿ ಲಡ್ಡು ಪಡೆದರು. ಇತ್ತೀಚೆಗಷ್ಟೆ ಮೈಸೂರಿನಲ್ಲಿ ಜಾರಿ ಬಿದ್ದು ಗಾನ ಕೋಗಿಲೆ ಕಾಲು ನೋವಿಗೆ ಒಳಗಾಗಿದ್ದರು.