ಮಹಾರಾಷ್ಟ್ರದ ಉಮರ್ಗಾ ಬಳಿ ಭೀಕರ ಅಪಘಾತ; ನಾಲ್ವರ ಸಾವು

ತುಳಜಾಪೂರ್ ಅಂಬಾ ಭವಾನಿ ಮಾತೆಯ ದರ್ಶನಕ್ಕೆ ತೆರಳಿದ್ದ ಬೀದರ್ ಮೂಲದ ನಾಲ್ವರು ರಸ್ತೆ ಅಪಘಾತದಲ್ಲಿ ದಾರುಣವಾಗಿ ಸಾವನ್ನಪ್ಪಿದ್ದಾರೆ.

ಬೀದರ್: ದಸರಾ ಹಬ್ಬದ ನಿಮಿತ್ತ ತುಳಜಾಪೂರ್ ಅಂಬಾ ಭವಾನಿ ಮಾತೆಯ ದರ್ಶನಕ್ಕೆ ತೆರಳಿದ್ದ ಬೀದರ್ ಮೂಲದ ನಾಲ್ವರು ರಸ್ತೆ ಅಪಘಾತದಲ್ಲಿ ದಾರುಣವಾಗಿ ಮೃತಪಟ್ಟಿದ್ದಾರೆ.

ಬೀದರ್​ ಜಿಲ್ಲೆಯ ಔರಾದ್ ಮೂಲದ ಚಂದ್ರಕಾಂತ ಪಾಟೀಲ್(55) ದೀಪಕ್ ಪಾಟೀಲ್(18) ಹಾಗೂ ಹೈದ್ರಾಬಾದ್ ನಿವಾಸಿಗಳಿಬ್ಬರು ದುರ್ಘಟನೆಯಲ್ಲಿ ಪ್ರಾಣ ಕಳೆದುಕೊಂಡಿದ್ದಾರೆ. ಉಮರ್ಗಾ ಪಟ್ಟಣದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಘಟನೆ ಸಂಭವಿಸಿದೆ.

ಅಪಘಾತದಲ್ಲಿ ನಾಲ್ವರು ಸಾವು

ತುಳಜಾಪೂರ್ ದೇವಿ ಅಂಬಾ ಭವಾನಿ ದರ್ಶನ ಪಡೆದು ವಾಪಸ್​ ಹೈದ್ರಾಬಾದ್​ನತ್ತ ಹೊರಟಿದ್ದಾಗ ದುರಂತ ನಡೆದಿದ್ದು, ಈ ಕುರಿತು ಉಮರ್ಗಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.